অসম লাইভ ২৪ঃ বলীউডত এতিয়া ধর্ষণ-হত্যাৰ ভাবুকি৷ আলিয়া ভাট, ৰিয়া চক্ৰৱর্তীৰ পাছত পশ্চিমবংগৰ অভিনেত্ৰী স্বস্তিকা মুখাপাধ্যায়ক এচিড আক্ৰমণ-ধর্ষণৰ ভাবুকি৷ বিগত ২৬ জুনত এটা সংবাদ মাধ্যমে স্বস্তিকাৰ মন্তব্যৰ ভুল ব্যাখ্যা কৰি বাতৰি প্ৰচাৰ কৰিছিল যে স্বস্তিকাই কৈছে ‘আত্মহত্যা আজিকালি এটা ফেশ্বন’৷ কিন্তু প্ৰকৃততে স্বস্তিকাই তেনেধৰণৰ কোনো মন্তব্য কৰা নাছিল বুলি দাবী কৰিছে৷ ইয়াৰ পাছতে ছ’চিয়েল মিডিয়াত ক্ৰিয়া-প্ৰতিক্ৰিয়াৰ সৃষ্টি হৈছে৷ স্বস্তিকাক বহুতেই অশ্ৰাব্য গালি-গালাজ পাৰিছিল৷ ইয়াৰ মাজতেই কোনো দুর্বৃত্তই স্বস্তিকাক এচিড আক্ৰমণ-ধর্ষণৰ ভাবুকি দিছিল৷ স্বস্তিকাই কলকাতাৰ চাইবাৰ ক্ৰাইমত দুর্বৃত্তৰ বিৰুদ্ধে অভিযোগ দাখিল কৰে৷ সেই অভিযোগৰ ভিত্তিত বর্ধমানৰ পৰা আৰক্ষীয়ে শুভম চক্ৰৱর্তী নামৰ এজন যুৱকক আটক কৰিছে৷ ইয়াৰ উপৰিও হুগলিৰ পৰা কৌশিক দাস নামৰ আন এজন যুৱকক আটক কৰিছে আৰক্ষীয়ে৷ ধৃত দুয়োয়ে আৰক্ষীৰ জেৰাত অপৰাধৰ কথা স্বীকাৰ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
