অসম লাইভ২৪ঃ এটা জীৱনৰ মূল্য মাত্ৰ ৫০০ টকা। পশ্চিম বংগৰ মালদা জিলাত এজন ব্যক্তিয়ে ধাৰ লৈ ৫০০ টকা উভতাই নিদিয়াৰ বাবেই ব্যক্তিগৰাকীক হত্যা কৰে এজন লোকে। চুবুৰীয়া লোকজনে ধাৰ লৈ ধন ঘূৰাই নিদিয়াৰ বাবেই লাঠিৰে আক্ৰমণ কৰাত গুৰুতৰভাৱে আহত হয় ব্যক্তিগৰাকী। পৰিয়ালৰ লোকে ব্যক্তিগৰাকীক তাৎক্ষণিকভাৱে চিকিৎসালয়ক ভৰ্তি কৰায় যদিও মৃত্যুক সাবটি লোৱা বুলি জানিব পৰা গৈছে।
উল্লেখ্য যে ৪০ বছৰীয়া বনমালী প্ৰমানিকে তেওঁৰ চুবুৰীয়া প্ৰফুল্ল ৰায়ৰ পৰা ৫০০ টকা ধাৰত লৈছিল। বিশেষ কাৰণবশত ব্যক্তিজনে ধন ঘূৰাই দিবলৈ সক্ষম হোৱা নাছিল। এই বিষয়ক কেন্দ্ৰ কৰি বনমালী আৰু প্ৰফুল্ল ৰায়ৰ মাজত তৰ্কাতৰ্কি লাগে। পাছলৈ প্ৰফুল্লই বনমালীক বহি থকা অৱস্থাত পিছফালৰ পৰা আক্ৰমণ কৰে। লাঠিৰে মূৰত আক্ৰমণ কৰাৰ বাবে থিতাতেই ঢলি পৰে বনমালী। পৰিয়ালৰ লোকে চিকিৎসালয়লৈ লৈ যায় যদিও চিকিৎসালয়তে মৃত্যুক সাবটি লয় বনমালীয়ে।
বনমালীৰ মৃত্যুৰ পাছতেই তেওঁৰ পৰিয়ালৰ লোকে আৰক্ষীৰ কাষ চাপিছে। আৰক্ষীয়ে বনমালীৰ পৰিয়ালৰ এজাহাৰৰ ভিত্তিতেই আৰম্ভ কৰিছে তদন্ত। প্রফুল্লকো গ্ৰেপ্তাৰ কৰিছে মালদা আৰক্ষীয়ে। অৱশ্যে এই ঘটনাৰ বাবে প্ৰফুল্লৰ বিৰুদ্ধে আদালতে কি ৰায় দিয়ে সেয়া সময়তহে পৰিলক্ষিত হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
