অসম লাইভ ২৪ঃ ৰিয়া চক্ৰৱর্তী সন্দর্ভত এইবাৰ ডাঙৰ খবৰ পোহৰলৈ আনিলে নাৰ্ক’টিক ক’ণ্ট্ৰল ব্যু’ৰ (NCB)য়ে। NCBয়ে জনাইছে ড্ৰাগছ ব্যৱসায়ীৰ পৰা ড্ৰাগছ ক্ৰয় কৰিছিল ৰিয়াই। ‘Dark Net’ ৰ জৰিয়তে ড্ৰাগছ সংগ্ৰহ কৰিছিল ৰিয়াই। উল্লেখযোগ্য যে ইণ্টাৰনেটৰ অন্যতম কুখ্যাত এই ‘Dark Net’। ড্ৰাগছ চোৰাং সৰবৰাহৰ আটাইতকৈ ডাঙৰ অনলাইন প্লেটফর্ম হ’ল ‘ডার্ক নেট’। সুশান্ত সিং ৰাজপুটৰ মৃত্যু সন্দর্ভত ডার্ক নেটৰ সৈত ৰিয়াৰ যোগাযোগ সন্দর্ভত অনুসন্ধান চলাইছে নার্কোটিকছ ক’ণ্ট্ৰল ব্যুৰ’ই। ৰিয়াৰ লগতে আৰু বহুকেইজনৰ বিৰুদ্ধে তদন্ত আৰম্ভ কৰিছে NCBয়ে। সুশান্তৰ বন্ধু সিদ্ধার্থ পৃথানী, হাউচ মেনেজাৰ চেমুৱেল মিৰাণ্ডা, ভাতৃ চৌভিকৰ সৈতে ড্ৰাগছৰ চক্ৰ আৰম্ভ কৰিছিল ৰিয়া চক্ৰৱৰ্তীয়ে। আটাইৰে এটা হোৱাটছএপ গ্ৰুপ খোলা হৈছিল। য’ত ড্ৰাগছ সম্পৰ্কীয় যাৱতীয় আলোচনা হৈছিল। এই গ্ৰুপত একাধিকবাৰ DOOBI শব্দটো ব্যৱহাৰ কৰা হয়। আৰু সেই শব্দটো প্ৰকৃততে ড্ৰাগছৰ সাংকেতিক শব্দ বুলিও সন্দেহ কৰা হৈছে। গ্ৰুপটোত বহুবাৰ DOOBI কিনি থোৱা আছে, নাথাকিলেও নিব লাগিব এনেধৰণৰ কথা উল্লেখ আছিল। আনকি AK-47 আৰু ব্লুবেৰী কুশ্ব নামে দুটা নিষিদ্ধ মাদক দ্ৰব্যৰ কথা উল্লেখ আছে চাটত, আছে ড্ৰাগছৰ ছবিও। ইতিমধ্যে হোৱাটছএপ চাটৰ ৰেকৰ্ড চি বি আই আৰু নাৰ্ক’টিক কণ্ট্ৰ’ল ব্যুৰ’ক হস্তান্তৰ কৰিছে ই ডিয়ে। অভিযোগ প্ৰমাণিত হ’লে ১০ বছৰ কাৰাদণ্ড হ’ব ৰিয়া আৰু সতীৰ্থৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
