অসম লাইভ২৪ঃ নলবাৰীৰ নৱম শ্ৰেণীৰ এগৰাকী ছাত্ৰই ল’লে চৰম সিদ্ধান্ত৷ সেনা বাহিনীৰ প্ৰাক্তন জোৱানৰ পুত্ৰই নিশাৰ ভাগত লোৱা চৰম সিদ্ধান্তৰ পিছতেই অঞ্চলজুৰি সৃষ্টি হৈছে চাঞ্চল্যৰ৷ নলবাৰীৰ বৰী গাঁৱৰ বাসিন্দা অনিল বৰ্মণ নামৰ সেনা বাহিনীৰ প্ৰাক্তন জোৱানজনে নলবাৰীৰ কাজিপাৰাত ভাৰাতীয়া হিচাপে আছিল৷
বিয়লিৰ ভাগত জ্যেষ্ঠ পুত্ৰক গৃহত থৈ পিতৃ মাতৃয়ে গাঁৱৰ ঘৰলৈ যাওঁতেই উভতি আহি ১৫ বছৰীয়া পুত্ৰক চিপ লোৱা অৱস্থাত উদ্ধাৰ কৰি হতবাক হৈ পৰিছে পৰিয়ালটো।ভাৰাঘৰত ভিতৰৰ পৰা দৰ্জা বন্ধ কৰি নৱম শ্ৰেণীৰ ছাত্ৰ গৰাকীয়ে ছিপ লৈ থকা অবস্থাত প্ৰত্যক্ষ কৰে পিতৃ-মাতৃয়ে। উক্ত স্থানৰ কাষতে এটা বিহৰ বটলো উদ্ধাৰ কৰিছে পৰিয়ালৰ লোকে। নলবাৰী সদৰ আৰক্ষী ঘটনাস্থলীত উপস্থিত হৈ মৃতদেহটো উদ্ধাৰ কৰাৰ লগতে সমগ্ৰ ঘটনাটোৰ তদন্ত আৰম্ভ কৰিছে। নৱম শ্ৰেণীত অধ্যয়নৰত ছাত্ৰই কি কাৰণত ভয়ংকৰ সিদ্ধান্ত গ্ৰহণ কৰিলে সেয়া এতিয়াও পোহৰলৈ অহা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
