অসম লাইভ২৪ঃ বাইকৰ পিছত চিতা বাঘ এটা লৈ বেগেৰে আগুৱাইছে এজন ব্যক্তি৷ এই দৃশ্যই পুৱাৰে পৰাই তোলপাৰ লগাইছে সামাজিক মাধ্যমত৷ কিয় বাইকত চিতা বাঘক লৈ মৰণকো নেওচি এনেদৰে যাত্ৰা কৰিছে ব্যক্তিজনে?
এক সূত্ৰই জনোৱা অনুসৰি ঘটনাটো কৰ্ণাটকৰ৷ নিশা অতৰ্কিতে চিতাটোৱে ব্যক্তিজনৰ পশু ফাৰ্মত সোমাই৷ কেইবাটাও পশুক চিতাটোৱে আক্ৰমণো কৰে৷ তাৰপাছতেই ব্যক্তিজনে চিতাটোক আৱদ্ধ কৰিবলৈ যত্ন কৰে৷ বহু কষ্টৰ অন্তত চিতাটোক ধৰিবলৈ সক্ষম হয় ব্যক্তিজন৷ চিতাটোক ধৰিবৰ বাবেই তাক আঘাতো কৰে ব্যক্তিজনে৷ আঘাতপ্ৰাপ্ত চিতাটোক বাইকত বান্ধি তেঁঁও বনবিভাগৰ কাৰ্যালয়লৈ যায়৷
ব্যক্তিগৰাকী কৰ্ণাটকৰ হাছান জিলাৰ৷ মুথু নামৰ ব্যক্তিজনে এনেদৰে চিতাটোক বান্ধি লৈ যোৱাক লৈ প্ৰশ্ন উত্থাপিত হওঁতেই বহুতেই বন্যপ্ৰাণীক কষ্ট দিয়া বুলি ক্ষোভিতও হৈ পৰিছে৷ মুথুৱে এই সন্দৰ্ভত দিয়া মন্তব্যত কয় যে, তেওঁ চিতাটোৰ কোনো অনিষ্ট কৰিব খোজা নাই৷ কেৱল আত্মৰক্ষাৰ বাবেহে চিতাটোক তেঁও বান্ধিব লগা হ’ল৷ ইয়াৰ আঁৰত তেওঁৰ কোনো অসৎ উদ্দেশ্য নাই৷ বৰ্তমান আহত চিতা বাঘটোক চিকিৎসাৰ ব্যৱস্থা কৰিছে বনবিভাগৰ বিষয়ববীয়াই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
