অসম লাইভ২৪ঃ মহেন্দ্ৰ সিং ধোনীয়ে তেতিয়া ভাৰতীয় ক্ৰিকেট দলৰ অধিনায়কৰ দায়িত্বত আছিল৷ সেই সময়তেই ভাৰতীয় ক্ৰিকেট দললৈ আহিছিল উদীয়মান এজন ক্ৰিকেটাৰ, নাম মনোজ তীৱাৰী৷ মনোজ তিৱাৰীয়ে ২০২৩ চনৰ ২ জুলাইত ক্ৰিকেটৰ সকলো ফৰ্মেটৰ পৰা অৱসৰ গ্ৰহণ কৰিছে৷ ৩৭ বছৰ বয়সত ক্ৰিকেটৰ পৰা অৱসৰ লৈছে মনোজ তিৱাৰীয়ে৷ বৃহস্পতিবাৰে সামাজিকমাধ্যমত বিশেষ পোষ্ট কৰি অৱসৰৰ কথা ঘোষণা কৰিছে মনোজ তিৱাৰীয়ে৷
৩ ফেব্ৰুৱাৰী ২০০৮ চনত ভাৰতৰ জাতীয় দলৰ জাৰ্চী পিন্ধি ৱান ডে’ মেচত অভিষেক ঘটিছিল মনোজ তিৱাৰীৰ৷ অষ্ট্ৰেলিয়াৰ বিৰুদ্ধে ব্ৰিছবেনত খেলিছিল মনোজে৷ ভাৰতৰ হৈ ১২খন ৱান ডে মেচত ২৮৭ ৰান কৰিছে তেওঁ৷ এটা চেঞ্চুৰী আৰু এটা হাফ চেঞ্চুৰীও কৰিছে মনোজে৷ দেশৰ হৈ তিনিখন টি-২০ মেচ খেলিছে মনোজ তিৱাৰীয়ে৷ ৱান ডেত তেওঁ ৫টা উইকেটো ল’বলৈ সক্ষম হৈছিল৷ খেলত ভাল ফলাফল দেখুৱাইয়ো কৰোবাত কিন্তু তেওঁ পৰিত্যক্ত হৈয়েই ৰৈছিল৷
ক্ৰিকেটাৰ মনোজ তিৱাৰীয়ে কি লিখিছে সামাজিক মাধ্যমত?
নিজা প্ৰফাইলত মনোজ তিৱাৰীয়ে লিখিছে, ‘বিদায় ক্ৰিকেট৷ এই খেলে মোক সকলোখিনি দিছে৷ মই জীৱনত সফলতাৰ সমান্তৰালকৈ আঘাতো পাইছো৷ এই খেল আৰু ঈশ্বৰৰ ওচৰত মই সদায়ে কৃতজ্ঞ৷ দুয়োটাই সকলোসময়তে মোৰ কাষত আছে৷ এই সময়ত মই সমূহ জনতাক আন্তৰিক ধন্যবাদ জনাইছো৷ আন্তৰিক কৃতজ্ঞতাও জনাইছো৷ তেওঁলোকৰ বাবেই মই ক্ৰিকেটৰ যাত্ৰাত সফলতা পাইছো৷ মোৰ শৈশৱৰ পৰা আৰম্ভ কৰি বৰ্তমানলৈকে লগ পোৱা সকলো কোচকো আন্তৰিক ধন্যবাদ জনাইছো৷ মোৰ ক্ৰিকেটৰ কেৰিয়াৰত তেওঁলোকৰ ভূমিকা অপৰিহীম৷ এইসকলৰ ভিতৰত মানৱেন্দ্ৰ ঘোষ, যি মোৰ ক্ৰিকেটৰ যাত্ৰাত পিতৃৰ দৰে৷ তেওঁ নাথাকিলে মই ক্ৰিকেটৰ বৃত্তত সোমাবই নোৱাৰিলোহেতেন৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
