অসম লাইভ২৪ঃ বাৰিষা আৰম্ভ হোৱাৰ লগে লগে ভূমিস্খলনৰ সমস্যা প্রধান সমস্যা হৈ পৰে মহানগৰবাসীৰ বাবেও। শনিবাৰে ধীৰেনপাৰাত সংঘটিত হোৱা ভূমিস্খলনৰ পিছতে প্ৰশাসনে চিহ্নিত কৰিছে ৩৬৬টা বিপদসংকুল অঞ্চলৰ তালিকা। ইয়াৰে ২৭০টা স্থানক লৈ বিশেষ সতৰ্কবাণী দিছে প্রশাসনে। প্ৰশাসনে প্ৰস্তুত কৰি উলিওৱা তালিকাত আছে কালাপাহাৰ, ধীৰেনপাৰাৰ বহুকেইটা অঞ্চল।
ইয়াৰোপৰি ফটাশিল, গড়ভঙা, গোটানগৰ, হেঙেৰাবাৰী, জালুকবাৰী, লংকেশ্বৰ,কাহিলিপাৰা, কালাপাহাৰ, খাৰঘুলি, কইনাধৰা, মালিগাঁও, নৱগ্ৰহ, নৰকাসুৰ, নাৰেংগী, নুনমাটি, শান্তিপুৰ, শুক্লেশ্বৰ, শৰণীয়া আৰু চূণচালিত ভূমিস্খলনৰ সম্ভাৱনা আছে। ৩৬৬ টা স্থানৰ ভিতৰৰ ৭৪ শতাংশ স্থানত আগতীয়াকৈ সতৰ্কমূলক ব্যৱস্থা লোৱাৰ পৰামৰ্শও দিছে প্রশাসনে। ইয়াৰ ভিতৰত ২৭০ টা স্থানত সুৰক্ষামূলক ব্যৱস্থা নল’লে জীৱন-সম্পত্তি লোকচানৰ আশংকা ব্যক্ত কৰিছে প্রশাসনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
