অসম লাইভ ২৪ঃ সুশান্ত সিং ৰাজপুতৰ মৃত্যু সন্দৰ্ভত প্ৰেয়সী ৰিয়া চক্ৰৱৰ্তীক মাৰাথন জেৰা চলাইছে এনফ’ৰ্চমেণ্ট ডাইৰেক্টৰেটে। প্ৰতিদিনেই পোহৰলৈ আহিছে অবাক হৈ পৰা তথ্য। সুশান্তৰ পিতৃ কে কে সিঙে দাখিল কৰা FIRৰ বাবে ইতিপূৰ্বে ৩ বাৰ EDৰ কাৰ্যালয়ত উপস্থিত হৈছিল ৰিয়া চক্ৰৱৰ্তী, ভাতৃ চৌভিক চক্ৰৱৰ্তী, মেনেজাৰ শ্ৰুতি মোদী। ইয়াৰ পূৰ্বে ৰিয়াৰ চাৰ্টাৰ্ড একাউণ্টটেণ্ট, সুশান্তৰ বন্ধু সিদ্ধাৰ্থ পৃথানী, ৰিয়াৰ পিতৃ-মাতৃক জেৰা কৰে ED-এ। ৩ দিন জেৰা কৰাৰ পাছতো ৰিয়াৰ উত্তৰত সন্তুষ্ট নহয় ED। ৰিয়াৰ উত্তৰ আছিল অপ্ৰাসংগিক। বেছিভাগৰে প্ৰশ্নৰে উত্তৰত ৰিয়াই কৈছিল – ‘মই নাজানো, মনত পৰা নাই।’ মঙলবাৰে ৰিয়াৰ লগতে পৰিয়ালৰ সকলোৰে ফোন, লেপটপ, আইপেড জব্দ কৰি ফৰেনছিক টেষ্টৰ বাবে প্ৰেৰণ কৰে। বুধবাৰে ED-এ জনাইছে আন এক তথ্য। হোৱাটছএপত সুশান্তৰ সৈতে কৰাৰ কথোপকথনৰ অধিকাংশ ডিলিট কৰি দিয়ে ৰিয়াই। যিসমূহ মেছেজ ডিলিট কৰি দিছে ৰিয়াই সেইসমূহ উদ্ধাৰৰ বাবে চেষ্টা চলাই আছে বিশেষজ্ঞই। উল্লেখযোগ্য যে বিগত বছৰৰ নৱেম্বৰত সুশান্তই ৯ কোটি টকাৰ এটা ফিক্সড ডিপ’জিটৰ ধন উলিয়াই আনে ৰিয়াই। উল্লেখযোগ্য যে ৰিয়াৰ ফোন, লেপটপ বাজেয়াপ্ত কৰাৰ পাছতে vividrage rhealityx pvt ltd.inৰ নামৰ সংস্থাটোৰ কথা পোহৰলৈ অহাৰ পাছতে হোৱাটছএপৰ চাটৰ অংশ ডিলিট কৰে ৰিয়াই। সেই সংস্থাৰ আই পি এড্ৰেছ ট্ৰেক কৰি জনা যায় মুম্বাইত এক বছৰত ১৭ বাৰ স্থান সলনি কৰা হৈছিল। নৱেম্বৰত সুশান্তৰ পিতৃয়ে ৰিয়াক হোৱাটছএপত যোগাযোগ কৰি কৈছিল সুশান্তক এবাৰ ফোন কৰিবলৈ। কাৰণ সুশান্তে ৩ জন বন্ধুৰ সৈতে একেলগে আছিল। গতিকে নিজৰ পুত্ৰ সম্পৰ্কে জানিবলৈ মেছেজ দিছিল ৰিয়াক। ইয়াৰ পাছতে ৰিয়াই পিতৃক ব্লক কৰি দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
