অসম লাইভ ২৪ঃ কমিছে সোণৰ দাম। বিগত পাঁচ মাহৰ ভিতৰত সবাতোকৈ বেছি নিম্নগামী হৈছে সোণৰ মূল্য। ক’ৰোনা মহামাৰীৰ বাবে হোৱা আৰ্থিক অনিশ্চয়তাৰ বাবে মানুহে সোণত বিনিয়োগ কৰিছিল। যাৰ ফলত বৰ্তমান বহুখিনি কমি গৈছে সোণৰ দাম। সোণৰ লগতে নিম্নগামী হৈছে ৰূপৰ মূল্যও। দেশত বৰ্তমান ভেকচিন অহাৰ পূৰ্ণ সম্ভাৱনা পৰিলক্ষিত হৈছে। এই খবৰৰ পাছতেই দেশৰ আৰ্থিক অৱস্থা যথেষ্ট উন্নত হ’ব বুলি আশা ব্যক্ত কৰা হৈছে। তাৰেই পৰিপ্ৰেক্ষিতত নিম্নগামী হৈছে সোণৰ মূল্য। আজি অৰ্থাৎ মঙলবাৰে ২২ কেৰেট সোণৰ ১০ গ্ৰামৰ মূল্য ৪৬,৯২০ টকা। সোমবাৰে ইয়াৰ মূল্য আছিল ৪৭,২৪০ টকা। ইপিনে, ২৪ কেৰেট সোণৰ ১০ গ্ৰামৰ মূল্য আজিৰ দিনটোত ৪৭,৯২০। ইপিনে, সোমবাৰে ইয়াৰ মূল্য আছিল ৪৮,২৪০ টকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
