অসম লাইভ ২৪ঃ ৰাজ্যৰ চিনেমা হলসমূহ মুকলি কৰিবৰ বাবে বিধি ব্যৱস্থা প্ৰৱর্তন কৰিলে স্বাস্থ্য আৰু পৰিয়াল কল্যাণ বিভাগে। এই বিধি ব্যৱস্থা মানি খুলিব পাৰিব চিনেমা হল।
কি কি নতুন নির্দেশনা—
১) চিনেমা হলৰ প্ৰৱেশদ্বাৰত দর্শকৰ থার্মেল স্ক্ৰিণিং বাধ্যতামূলক। থার্মেল স্ক্ৰিণিং কৰিব লাগিব কর্মচাৰীয়েও। লক্ষণ নথকা দর্শককহে হলত প্ৰৱেশৰ অনুমতি।
২) হেণ্ড ছেনিটাইজেচনৰ ব্যৱস্থা থাকিব লাগিব চিনেমা হলত।
৩) প্ৰৱেশ-প্ৰস্থানত সামাজিক ব্যৱধান বাধ্যতামূলক। শাৰীপাতি কৰিব লাগিব প্ৰৱেশ-প্ৰস্থান।
৪) ৫০ শতাংশ দর্শকক লৈ চলাব লাগিব চিনেমা। আসনত বহাৰ ক্ষেত্ৰতো সামাজিক ব্যৱধান বাধ্যতামূলক।
৫) সামাজিক ব্যৱধান বলৱৎ হ’ব লাগিব লিফট, চিনেমা হলৰ মুকলি স্থানত।
৬) বটলত পানী নিয়াৰ বাহিৰে আন কোনো খাদ্য লৈ দর্শকে প্ৰৱেশ কৰিব নোৱাৰিব।
৭) প্ৰতিটো দর্শনীৰ অন্তত আসনসমূহ ছেনিটাইজ কৰিব লাগিব।
৮) দর্শকে মাস্ক পিন্ধাটো বাধ্যতামূলক।
৯) অনলাইন টিকট ব্যৱস্থাক প্ৰাধান্য দিব লাগিব।
১০) চিনেমা হলত থু পেলাব নোৱাৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
