বিখ্যাত বিলাসী ব্ৰেণ্ডসমূহৰ ভিতৰত অন্যতম বেলেন্সিয়াগা৷ এই বেলেন্সিয়াগা ‘সম্পূৰ্ণৰূপে নষ্ট হোৱা’ জোতাৰ মূল্যৰ বাবে সংবাদ শিৰোনাম দখল কৰিছে।
ব্ৰেণ্ডটোৰ ‘পেৰিছ স্নিকাৰ’ সংগ্ৰহৰ অধীনত মুকলি কৰা এই জোতাসমূহৰ মূল্যই সাধাৰণ লোকৰ চকু কপালত তুলিছে।
দুটা শাখাত বিক্ৰী কৰিবলগীয়া এই নষ্ট হোৱা জোতাসমূহৰ দাম কিমান আপুনি কল্পনা কৰিব পাৰিব নে? এবাৰ হ’লেও কল্পনা কৰি চাওকচোন!! আপুনি কিমান মূল্য হ’ব পাৰে বুলি কল্পনা কৰিলে?
লগতে পঢ়ক সংকটত উত্তৰ কোৰিয়া! লকডাউন ঘোষণা একনায়ক কিমৰ! কিয় কৰিলে এই ঘোষণা?
ব্ৰেণ্ডটোৰ নষ্ট হোৱা এই জোতাসমূহৰ মূল্য হৈছে ৩৮ হাজাৰ টকাৰ পৰা ১.৪৪ লাখ টকা পৰ্যন্ত৷ ব্ৰেণ্ডটোৱে সেইবোৰ জোটাৰ মূল্য অধিক কৰিছে যিবোৰ জোতা অধিকতৰ নষ্ট অথবা জীৰ্ণ হৈছে৷
ব্ৰেণ্ডটোৱে নিজৰ ৱেবচাইত এই জীৰ্ণ হোৱা জোতাবোৰ বিক্ৰীৰ বাবে মুকলি কৰাৰ পিছতে সামাজিক মাধ্যমত বিভিন্নজনে বিভিন্ন মন্তব্য কৰা দেখা গৈছে৷
বিভিন্নজনে সামাজিক মাধ্যম টুইটাৰ টুইট কৰি প্ৰতিক্ৰিয়া প্ৰকাশ কৰিছে৷ ‘‘বাৰু, আমি আপোনাৰ বিষয়ে নাজানো কিন্তু টুইটাৰ ব্যৱহাৰকাৰীসকলে বেলেন্সিয়াগাৰ শেহতীয়া সংগ্ৰহটো চোৱাৰ পিছত শান্ত হৈ থাকিব পৰা নাই।’’ এগৰাকী টুইটাৰ ব্যৱহাৰকাৰীয়ে কয়৷
লগতে পঢ়ক অসমীয়া ভাষালৈ স্বীকৃতি! গুগ’লত উপলব্ধ হ’ল অসমীয়া ভাষা
আন এজন ব্যৱহাৰকাৰীয়ে আকৌ সীমিত সংস্কৰণৰ ‘পেৰিছ স্নিকাৰ’ৰ সৈতে এখন পোষ্টকাৰ্ড শ্বেয়াৰ কৰি বিশ্ববাসীৰ আগত এই জোতাটোৰ পৰিচয় কৰি দিয়া বুলি কটাক্ষ কৰিছে।
“এই নতুন বেলেন্সিয়াগা জোতাবোৰৰ যোগ্য কাৰোবাক টেগ কৰক,” এটা মন্তব্যত এইদৰে পঢ়িবলৈ পোৱা গ’ল।
ইফালে, এজন ব্যৱহাৰকাৰীয়ে কয় যে ‘‘যিয়েই কিনিছে তেওঁ বেলেন্সিয়াগা থেৰাপিষ্টৰ ওচৰলৈ যোৱাৰ প্ৰয়োজন।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
