হিন্দুধৰ্মাৱলম্বীসকলৰ বাবে চ’ত মাহ অত্যন্ত গুৰুত্বপূৰ্ণ৷ এই মাহত পালিত হয় চ’ত নৱৰাত্ৰি, বাসন্তী পূজা, অন্নপূৰ্ণা পূজা, ৰাম নৱমী আৰু হনুমান জয়ন্তী৷ চ’ত মাহৰ পূৰ্ণিমা তিথিতেই হনুমান জয়ন্তী পালন কৰা হয়৷ বজৰংবলীক কোৱা হয় কলিযুগৰ দেৱতা৷ আজি ২ এপ্ৰিল বৃহস্পতিবাৰে হনুমান জয়ন্তী পালন কৰা হ’ব৷ এই দিনটোত বজৰংবলীৰ পূজা কৰে তেওঁৰ ভক্তসকলে৷ সংকটমোচন হনুমানৰ কৃপা লাভ কৰিলে জীৱনৰ সকলো দুখ দুৰ্দশাৰ পৰা মুক্তি পোৱা যায়৷
বাস্তুবিদসকলে জনাইছে যে হনুমান জয়ন্তীত কেইবিধমান সামগ্ৰী ঘৰলৈ আনিলে প্ৰসন্ন হ’ব বজৰংবলী৷ তেওঁলোকৰ আশীৰ্বাদৰ ফলত সমগ্ৰ বছৰজুৰি আপোনাৰ ওপৰত বৰ্তি থাকিব৷ জানি থওক বাস্তু বিশেষজ্ঞৰ মতে হনুমান জয়ন্তীত কি কি সামগ্ৰী ঘৰলৈ আনিলে শুভ শক্তি সংসাৰত বৰ্তি থাকিব?
সেন্দুৰ
হনুমানৰ সম্পৰ্কে তুলসী দাসে কৈছিল, লাল দেহ লালি লাছে আৰু ধৰ লাল লঙ্গুৰ৷ এই শ্লোকৰ পৰাই বোজা গৈছে যে ৰঙা ৰং হনুমানৰ অত্যন্ত প্ৰিয়৷ সেই কাৰণেই সেন্দুপ খুবেই ভালপায় বজৰংবলীয়ে৷ হনুমানপ পুজাত সেন্দুৰ অৱশ্যই নিবেদন কৰা জৰুৰী৷ পুৰাণ অনুসৰি হনুমান জয়ন্তীত ঘৰত সেন্দুৰ আনিলে শুভ ফল পোৱা যায়৷ এই দিনটোত ঘৰত সেন্দুৰ আনক আৰু বজৰংবলীক নিবেদন কৰক৷ সেন্দুৰ পানীত গুলি হনুমানৰ মূৰ্তিৰ গাত লেপন দিব পাৰে৷ ইয়াৰ ফলত বজৰংবলীৰ আশীৰ্বাদ লাভ কৰিব৷
হনুমানৰ ছবি
হনুমানৰ ৰূপ ঈশ্বৰৰ উপাসনা কৰা শুভ বুলি ধাৰণা কৰা হয়৷ হনুমান জয়ন্তীত ঘৰত হনুমানৰ মূৰ্তি আনক বা ছবি আনক৷ ইয়াৰ ফলত আপোনাৰ ঘৰত পজিটিভ এনাৰ্জি প্ৰবাহিত হব৷ এই শুভ শক্তি সংসাৰত থাকিলে সমস্ত বিপদ দূৰ হব৷ সুখ শান্তিৰ পৰিবেশ থাকিব৷
বজৰংবলীৰ অস্ত্ৰ
বজৰংবলীৰ অস্ত্ৰ হৈছে গদা৷ এই অস্ত্ৰ দি তেওঁ অশুভ শক্তি নাশ কৰে৷ সেয়ে গদা শুভ শক্তিৰ প্ৰতীক৷ হনুমান জয়ন্তীত ঘৰত এটা সৰু গদা আনিব পাৰে৷ ঘৰত নিগেটিভ এনাৰ্জি থাকিলে গদাৰ শুভ শক্তিয়ে সেয়া দূৰ কৰাত সহায় কৰিব৷ বহুতেই সৰু গদা চেইন বা মালাত পিন্ধি থাকে৷ পূজাৰ স্থানতো এই গদা ৰাখিব পাৰে৷ পূৰ্বে গদাৰ পূজা অৱশ্যেই কৰিব৷
কুঠাৰ
ঘৰত বাস্তু দোষ থাকিলে সেয়া দূৰ কৰিবলৈ হনুমান জয়ন্তীত ঘৰত এটি সৰু তামৰ কুঠাৰ লৈ আনক৷ এই সৰু তামৰ কুঠাৰে আপোনাৰ জীৱনৰ সকলো অশুভ শক্তিক দূৰ কৰাত সহায় কৰে বুলি বাস্তু বিশেষজ্ঞই দাবী কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
