অসম লাইভ২৪ঃ অসমৰ সৈতে আছে শ্বাহৰুখৰ বিশেষ সম্পৰ্ক। অসমীয়াৰ সৈতে নিবিড় সম্পৰ্ক শ্বাহৰুখ খানৰ৷ বিশ্বাস কৰক বা নকৰক এয়াই সত্য৷ শ্বাহৰুখে অসমীয়াক ভালপায়৷
কেৱল বানত সাহায্য দিয়াতেই শ্বাহৰুখৰ সৈতে অসমৰ সম্পৰ্ক বুলি ভুল নুবুজিব। শ্বাহৰুখৰ চিনেমাৰ সৈতে অসমৰ চিনেমা ক্ষেত্ৰও সংপৃক্ত হৈ আছে। শ্বাহৰুখৰ চিনেমাত বাৰে বাৰে সুযোগ দিয়া হৈছে অসমীয়াক।
শ্বাহৰুখৰ পাঠানৰ পাছেই জৱানতো এজন অসমীয়া৷ হাজাৰ হাজাৰ অভিনেতাৰ মাজত শ্বাহৰুখৰ পছন্দ অসমীয়াই কিয়? পাঠানত বিশেষ চৰিত্ৰত অভিনয় কৰিছিল দীগন্ত হাজৰিকাই৷ বিতৰ্কৰ মাজত ব্লকব্লাষ্টাৰ চিনেমাৰ টেগ পোৱা পাঠানত দিগন্তৰ নিখুত অভিনয় দেখা গৈছিল। এজন অসমীয়াক শ্বাহৰুখৰ কাষত দেখি গৰ্বত বুকু উফন্দি উঠিছিল অসমীয়াৰ।
শ্বাহৰুখৰ সহযোগী হিচাপে দিগন্তই এই ছবিত অভিনয় কৰিছিল৷ পাঠানৰ প্ৰমোছনৰ সময়ত দিগন্তক দেখা গৈছিল শ্বাহৰুখৰ নিচেই কাষত৷ এইবাৰ শ্বাহৰুখৰ সৈতে চিনেমাত আছে আন এজন অসমীয়া৷ অভিনেতা কেনী বসুমতাৰীয়ে শ্বাহৰুখৰ ‘জৱান’ত অভিনয় কৰিছে৷
জৱানৰ ট্ৰেইলাৰ মুক্তিৰ লগে লগেই দেশবাসীৰ সমাদৰ লাভ কৰাৰ সময়তে অসমৰ অভিনেতাক দেখি জৱান চাবলৈ আগ্ৰহী হৈ উঠিছে অসমৰ চিনেমাপ্ৰেমী জনতা। অসমীয়া চিনেমা জগত তেনেই সৰু। অসমৰ এই সৰু চিনেমাৰ ক্ষেত্ৰৰ পৰা গৈ বলীউডৰ ব্লকব্লাষ্টাৰ চিনেমাত সুযোগ লাভ কৰা কেনী বসুমতাৰীক এতিয়া বহুজনেই শুভে্চ্ছা জনোৱাও পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ