অসম লাইভ ২৪ঃ মানৱ সভ্যতাৰ পৰা বহু দূৰত ভিয়েটনামৰ এক ঘন জংঘলত জীৱন নিৰ্বাহ এগৰাকী ব্যক্তিৰ। ৪১ বছৰ ধৰি জংঘলত বসবাস কৰি আছে ভ্যান লাং নামৰ ব্যক্তিগৰাকী। যেন বাস্তবৰ টাৰ্জান ভ্যান লাং। ১৯৭২ চনত ভিয়েটনাম যুদ্ধৰ সময়ত ভ্যান লাঙৰ পিতৃয়ে দুই সন্তানক লৈ পলাই আহিছিল ঘন অৰণ্যৰ মাজলৈ। তেতিয়াৰ পৰাই বছৰ বছৰ ধৰি এই দুৰ্বিসহ জীৱন যাপন কৰি আহিছে ভ্যান লাঙৰ পৰিয়ালে। এন্দুৰ, বাদুলী আদি জীৱক খাদ্য হিচাপে গ্ৰহণ কৰে ভ্যান লাঙে। নাৰী সন্দৰ্ভত কোনো ধাৰণাই নাছিল ভ্যান লাঙৰ। সুদীৰ্ঘ ৪১ বছৰৰ পাছত ২০১৩ চনত উদ্ধাৰ হয় ভ্যান লাং আৰু সাধাৰণ জীৱন ধাৰণৰ বাবে এখন গাঁৱত থাকিবলৈ দিয়া হয় ব্যক্তিগৰাকীক। তেতিয়াহে মানৰ জীৱনৰ সৈতে পৰিচয় হয় ভ্যান লাঙৰ। ভ্যান লাঙৰ পিতৃক উদ্ধাৰৰ চেষ্টা কৰা হৈছিল যদিও উদ্ধাৰ কৰিবলৈ সক্ষম নহয় পিতৃক। কিন্তু ২০১৫ চনত এজন চিত্ৰকৰে ভ্যান লাঙৰ পৰিয়ালৰ জীৱনৰ সত্যতা উদঘাটন কৰে। তেতিয়াৰ পৰাই সংবাদ মাধ্যমত প্ৰচাৰ হয় ভ্যান লাঙৰ জীৱন কাহিনী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
