অসম লাইভ২৪ঃ মুখ্যমন্ত্ৰী ড° হিমন্ত বিশ্ব শৰ্মাৰ ওপজা দিন। ওপজা দিনটোত ৰাজ্যবাসীৰ লগতে দেশ বিদেশৰ বহু অনুৰাগীয়েই শুভেচ্ছা জ্ঞাপন কৰিছে লেখত লʼবলগীয়া ৰাজনীতিবিদগৰাকীক। মুখ্যমন্ত্ৰী তথা ৰাজনীতিবিদ ড° হিমন্ত বিশ্ব শৰ্মাৰ কথা সততেই চৰ্চা এতিয়া দেশৰ ৰাজনীতিত। নহʼবই বা কিয়? অসমৰ প্ৰতিগৰাকী জনতাই গৌৰৱেৰেই এই কথাৰ প্ৰশংসা কৰিব পাৰে যে দেশত কোনো এখন ৰাজ্যৰ মুখ্যমন্ত্ৰীয়েই শিক্ষাৰ দিশেৰে মুখ্যমন্ত্ৰী ড° হিমন্ত বিশ্ব শৰ্মাতকৈ আগবঢ়া নহয়।
মুখ্যমন্ত্ৰীসকলৰ শিক্ষাগত অৰ্হতাৰ ওপৰত কৰা অধ্যয়নত প্ৰকাশ পোৱা অনুসৰি, অসমৰ মুখ্যমন্ত্ৰী হিমন্ত বিশ্ব শৰ্মা দেশৰ ভিতৰতে আটাইতকৈ শিক্ষিত মুখ্যমন্ত্ৰী। মুখ্যমন্ত্ৰী হিচাপে লোৱা শপতনামাত তেওঁ নিজৰ শিক্ষাগত অৰ্হতা উল্লেখ কৰি লিখিছে-
দৰ্শন বিষয়ত ডক্টৰেট ডিগ্ৰী
ৰাজনীতি বিজ্ঞানৰ স্নাতকোত্তৰ ডিগ্ৰী
আইনৰ স্নাতক
আমাৰ ৰাজ্যৰ মুখ্যমন্ত্ৰীৰ পাছতেই আছে উত্তৰ পূৱৰেই আন এজন মুখ্যমন্ত্ৰীৰ নাম। ত্ৰিপুৰাৰ মুখ্যমন্ত্ৰী মাণিক সাহা দন্ত চিকিৎসাত স্নাতকোত্তৰ ডিগ্ৰীধাৰী।মুখ্যমন্ত্ৰীসকলৰ তালিকাত তিনিজন অভিযন্তাও আছে। দিল্লীৰ অৰবিন্দ কেজৰিৱাল আৰু কৰ্ণাটকৰ বাসৱৰাজ বোমাই দুয়োজনেই মেকানিকেল ইঞ্জিনিয়াৰিঙৰ ডিগ্ৰীধাৰী হোৱাৰ বিপৰীতে গুজৰাটৰ মুখ্যমন্ত্ৰী ভূপেন্দ্ৰ পেটেলৰ চিভিল ইঞ্জিনিয়াৰিঙৰ ডিপ্ল’মা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
