অসম লাইভ২৪ঃ ক্ৰিষ্টিয়ানো ৰোনাল্ডোৰ সৈতে বিশেষ চুক্তি হ’ল জৰ্জিনা ৰদ্ৰিগেজৰ। বিচ্ছেদ হ’লেও ৰোনাল্ডোৰ বান্ধৱীয়ে সম্পত্তিৰ ভাগ পাব। ৰোনাল্ডো বিশ্বৰ অন্যতম ধনী ফুটবলাৰ। পৰ্তুগালৰ ফুটবল তাৰকা ৰোনাল্ডোয়ে তেওঁৰ প্ৰেমক লৈয়ো শিৰোনাম দখল কৰি থাকে। ২০১৬ চনৰ পৰা ৰোনাল্ডোৰ সৈতে থাকে জৰ্জিনা। জৰ্জিনাৰ সৈতে ৰোনাল্ডো পৰিচিত হৈছিল এখন দোকানত। চিনাকিৰ পৰা বন্ধুত্ব। বন্ধুত্বৰ পৰা প্ৰেম। প্ৰেমত পৰিয়েই দুয়োৱে একেলগে থাকিবলৈ আৰম্ভ কৰে। বিগত ৭বছৰ ধৰি দুয়ো একেলগে আছে। জৰ্জিনা আৰু ৰোনাল্ডোৰ আছে সন্তানো। শেহতীয়াকৈ ৰোনাল্ডোৱে জৰ্জিনাৰ সৈতে এটা বিশেষ চুক্তি কৰিছে।
ৰোনাল্ডোৱে কৰা চুক্তিমতে তেওঁ ভৱিষ্যতে জৰ্জিনাক আৰ্থিক সাহায্য প্ৰদান কৰিব। পৰ্তুগালৰ এক সংবাদমাধ্যমে প্ৰকাশ কৰামতে ৰোনাল্ডো আৰু জৰ্জিনাৰ মাজত হোৱা বিশেষ চুক্তিমতে ভৱিষ্যতে তেওঁলোকৰ মাজত সম্বন্ধ নাথাকিলেও জৰ্জিনাই আৰ্থিক সাহায্য পাই থাকিব। ৰোনাল্ডোৱে সন্তানকেইটাৰ সৈতে সংযোগ ৰাখিব পাৰিব। ৰোনাল্ডো আৰু জৰ্জিনাৰ আছে পাঁচোটাকৈ সন্তান।
সংবাদমাধ্যমৰ খবৰ অনুসৰি চুক্তিমতে জৰ্জিনাক ৰোনাল্ডোৱে প্ৰতিমাহে ৯০ লাখ টকা দিব। ৰোনাল্ডোৰ সৈতে বিচ্ছেদ হ’লে এই ধনৰ পৰিমান আৰু বাঢ়িব। ৰোনাল্ডোৱে বৰ্তমানলৈ ২০০খন আন্তৰ্জাতিক মেচ খেলিছে। সেই মেচত গলো দিছে। ২০০খন মেচতেই ৰোনাল্ডোৰ খেলৰ উমান সকলোৱে পাইছে। ২০০খন মেচ খেলা ফুটবলাৰ এতিয়ালৈ নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
