লং, ডালচেনি, জয়ত্ৰীৰ সোৱাদ থকা এবিধ গছ, ঘৰত লগাওক মছলা কিনাৰ পৰা ৰেহাই পাওক
এবিধ এনে গছ এই ধৰাত পোৱা যায়, যাৰ গুণ বিভিন্ন মছলাৰ সমান। মাত্ৰ এবিধ গছৰ পাততেই পোৱা যায় তিনিবিধকৈ মছলাৰ সোৱাদ। সেই বিধ গছৰ পাতত পোৱা যায় লং, ডালচেনি আৰু জয়ত্ৰী মছলাৰ সোৱাদ।
এইবিধ গছ ঘৰত লগালে আৰু কোনোদিনে ক্ৰয় কৰিব নালাগে কোনো মছলা। তাৰোপৰি আছে আন এক মাহাত্য। এইবিধ গছৰ আছে বিষ নোহোৱা কৰা গুণ। এই গছবিধৰ নাম হৈছে ‘অল স্পাইছ’ (All Spice – Plant)
ৱেষ্ট ইণ্ডিজ আৰু মধ্য আমেৰিকাৰ থলুৱা এই উদ্ভিদৰ পাতত লং, ডালচেনি আৰু জয়ত্ৰী নাইবা জাইফলৰ সোৱাদ পোৱা যায়। ইয়াৰ পাতত বহুতো ঔষধি গুণো লুকাই থাকে।
বৰ্তমানে এই গছজোপাৰ চাহিদা বহু পৰিমাণে বৃদ্ধি পাইছে। মানুহে নিজৰ পাকঘৰৰ বাৰীত এই গছ ৰোপণ কৰে আজিকালি। অল স্পাইছ নামৰ এই গছৰ পাতবোৰ খাবলৈ বৰ সোৱাদলগা। ইয়াত পোৱা মছলাৰ সুগন্ধি।
এই উদ্ভিদ নাৰ্চাৰীত ৭০ৰ পৰা ৮০ টকাত সহজে উপলব্ধ। এই গছজোপা মাটি, পচি যোৱা গৰুৰ গোবৰ বা ভেৰমি পচন সাৰ দিও পাত্ৰত ৰোপণ কৰিব পাৰি। ইয়াৰ বাহিৰেও যদি এই গছজোপা মাটিত ৰোপণ কৰা হয়, তেন্তে ইয়াৰ বৃদ্ধি আৰু ভাল হয়।
অল স্পাইছ নামৰ এই গছজোপাৰ পাতবোৰ শুকুৱাই নাইবা সতেজ পাতো ব্যৱহাৰ কৰিব পাৰি। এই উদ্ভিদৰ পাত নিৰামিষ খাদ্য, আমিষ খাদ্য, বিৰিয়ানী আদিৰ লগতে চাহ তৈয়াৰ কৰিয়ো খাব পাৰি।
পাতে বিধে বিষ উপশমৰো কাম কৰে
মূৰৰ বিষ, পেশীৰ ক্ৰেম্প আৰু দাঁতৰ বিষৰ নিৰাময়ো কৰে এই অল স্পাইচ নামৰ গছৰ পাত বিধে। ইয়াত বিষনাশক বা বিষ নিৰাময়কাৰী দ্ৰব্য পোৱা যায়। সাধাৰণতে দাঁতৰ বিষত ব্যৱহাৰ কৰা হয় ইয়াক। পেটৰ সকলো সমস্যাৰ পৰাও সকাহ দিয়ে এই গছৰ পাতে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
