বিশ্বৰ কুখ্যাত চিৰিয়েল কিলাৰ, যিয়ে শেষত প্ৰমাণ নোহোৱা কৰিবৰ বাবে গাহৰিক খুৱাই দিছিল মাংস
বিশ্বৰ অন্যতম কুখ্যাত ছিৰিয়েল কিলাৰ ৰবাৰ্ট পিকটন। যাক সদ্যহতে কাৰাগাৰৰ ভিতৰতে হত্যা কৰা হৈছে। মৃত্যুৰ সময়ত ৰবাৰ্টৰ বয়স আছিল ৭৪ বছৰ।
১৯ মে’ত কানাডাৰ প’ৰ্ট কাৰ্টিয়েৰ কাৰাগাৰত পিকটনক একাংশ বন্দীয়ে মাৰাত্মকভাৱে আক্ৰমণ কৰে। যাৰ বাবেই ৩১ মে’ তাৰিখে হস্পিতালত মৃত্যু হয় ৰবাৰ্টৰ। সেই ৰবাৰ্টেই জীৱন কালত ৪৯ গৰাকী যৌন কৰ্মীক হত্যা কৰি পাছত সেই শৰীৰবোৰ গাহৰিক খুৱাই দিছিল।
আৰক্ষীৰ তদন্তই প্ৰমাণ কৰিছিল যে পিকটনৰ বিৰুদ্ধে ২৬ গৰাকী মহিলাক হত্যা কৰাৰ অভিযোগ উঠিছিল। ২০০৭ চনত আদালতে শাস্তি প্ৰদান কৰে। অৱশ্যে পিকটনে নিজেই ৪৯ গৰাকী মহিলাক হত্যা কৰাৰ কথা স্বীকাৰ কৰে। সেই হত্যাৰ ঘটনা ৫০ কৰাৰ লক্ষ্য কৰি লৈছিল।
১৯৪৯ চনৰ ২৪ অক্টোবৰত জন্ম হৈছিল ৰবাৰ্ট পিকটনৰ। পিতৃ লিঅ’নাৰ্ড ফ্ৰান্সিছ পিকটনে ভেংকুৱাৰৰ পৰা প্ৰায় ২৭ কিলোমিটাৰ নিলগৰ ব্ৰিটিছ কলম্বিয়াত গাহৰি পালন কৰিছিল। ৰবাৰ্ট আৰু তেওঁৰ সৰু ভাতৃ ডেভিদ ফ্ৰান্সিছক অতি কম বয়সতে পিতৃ-মাতৃয়ে গাহৰি পালনৰ দায়িত্ব অৰ্পণ কৰিছিল। কামত সামান্য গাফিলতি হলেই বহুবাৰ অত্যাচাৰো কৰিছিল, ভালদৰে খাদ্য আৰু পিন্ধিবলৈ কাপোৰো দিয়া নাছিল।
বহুবাৰ লেতেৰা কাপোৰ পিন্ধিয়ে স্কুললৈ যোৱাৰ বাবে সমনীয়াৰ পৰা অপমানিত হৈছিল ৰবাাৰ্ট। যাৰ বাবে শেষত পঢ়া শেষ নকৰাকৈয়ে বিদ্যালয়ৰ বাট ত্যাগ কৰিছিল।
কমকৈ কথা কোৱা ৰবাৰ্টে সকলোকে সন্দেহৰ চকুৰে চাইছিল। এবাৰ এগৰাকী যৌন কৰ্মী ৰবাৰ্টহতৰ ফাৰ্মলৈ মাংস ক্ৰয়ৰ বাবে আহোতে হঠাতে আক্ৰমণ কৰি প্ৰাণ লোৱাৰ চেষ্টা কৰে যদিও বিফল হয়। পাছে সেয়ে প্ৰথম। তাৰ পাছৰে পৰা নিজেই তেনে মহিলা বিচাৰি গৈ কৌশলেৰে ফাৰ্মলৈ আনি হত্যা কৰি সেই মাংস ফাৰ্মৰে গাহৰিক খুৱাউ দিছিল।
পিছত যেতিয়া ব্ৰিটিছ কলম্বিয়া আৰু ইয়াৰ আশে-পাশে থকা অঞ্চলৰ পৰা কেইবাগৰাকী যৌনকৰ্মী আৰু অন্যান্য মহিলা নিৰুদ্দেশ হ’বলৈ ধৰে, তেতিয়া আৰক্ষীয়ে ৰবাৰ্টক লৈ সন্দেহ প্ৰকাশ কৰে। ২০০২ চনত প্ৰথমবাৰৰ বাবে তেওঁৰ ফাৰ্মত উপস্থিত হয় আৰক্ষী। তালাচীত ফাৰ্মৰ পৰা ৩৩ গৰাকী মহিলাৰ ডি এন এ পোৱা গৈছে। হাড় আৰু মূৰৰ খোালাৰ লগতে মহিলাৰ বিভিন্ন ব্যক্তিগত সামগ্ৰী আদিয়ো উদ্ধাৰ কৰে আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
