বৃহস্পতিবাৰে স্বাধীনতা দিৱসৰ দিনা মুক্তি পাইছে অমৰ কৌশিক পৰিচালিত ছবি স্ত্ৰী-২য়ে৷ ৩০ কোটি টকা বাজেটৰ এই ছবিয়ে প্ৰথম দিনাই ৭৬ কোটি টকাৰ ব্যৱসায় কৰিছে৷ এই বছৰৰ আটাইতকৈ হীট ছবি হিচাপে চৰ্চাও লাভ কৰিছে স্ত্ৰী-২য়ে৷ শ্ৰদ্ধা কাপূৰ, ৰাজকুমাৰ ৰাও, পংকজ ত্ৰিপাঠী, অপাৰশক্তি খুৰানা, অভিষেক বেনাৰ্জী অভিনীত এই ছবিয়ে শীঘ্ৰেই ১০০ কোটিৰ ঘৰ পাৰ বুলি আত্মবিশ্বাসী চিনেমা বিশেষজ্ঞসকল৷ এই বছৰৰ নিৰিখত বলীউডৰ প্ৰথম হীট ছবি হৈছে স্ত্ৰী-২৷ এই ছবিত অভিনয় কৰাৰ বাবে কোন তাৰকাই পাইছে কিমান কোটি?
এই ছবিৰ প্ৰথম পৰ্ব মুক্তি পাইছিল ২০১৮ চনত৷ সেই ছবি ছুপাৰহিটো হৈছিল৷ প্ৰথম পৰ্ব চায়েই এই হৰৰ কমেডি ছবিক লৈ আগ্ৰহ বাঢ়িছিল বহুজনৰ৷ সদ্যমুক্তিপ্ৰাপ্ত দ্বিতীয় পৰ্ব অৰ্থাৎ স্ত্ৰী-২ ছবিত মুখ্যচৰিত্ৰত অভিনয় কৰিছে শ্ৰদ্ধাই৷ প্ৰথম পৰ্বত স্ত্ৰীৰ কবলৰ পৰা চান্দেৰীক ৰক্ষা কৰে তেওঁ৷ এইবাৰ যুদ্ধ স্কন্ধকাটাৰ সৈতে৷ এই ছবিত অভিনয়ৰ বাবে শ্ৰদ্ধাই লৈছে এইবাৰ ৫কোটি টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
