৭ঘণ্টীয়া যাত্ৰাৰে ইউক্ৰেইনৰ কিয়েভত উপস্থিত হৈছে প্ৰধানমন্ত্ৰী নৰেন্দ্ৰ মোদী৷ কিয়েভত উপস্থিত হৈয়েই জেলেনস্কিৰ সৈতে নেশ্ব্যনেল মিউজিয়াম অফ হিষ্ট্ৰীত ৰুছ আক্ৰমণত নিহত শিশুসকলৰ স্মৃতিসৌধলৈ গৈছে নৰেন্দ্ৰ মোদী৷ তাতেই ইউক্ৰেইনৰ প্ৰেছিডেণ্ট ভলোডিমিৰ জেলেনস্কিৰ কান্ধত হাত থৈ খোজ দিছে ভাৰতৰ প্ৰধানমন্ত্ৰী পুটিনে৷
প্ৰধানমন্ত্ৰী নৰেন্দ্ৰ মোদীয়ে পোলেণ্ডৰ পৰা ৰাজধানী ৱাৰেশৰ পৰা ১০ ঘণ্টীয়া ৰে’লযাত্ৰা কৰি শুকুৰবাৰে পুৱাই ইউক্ৰেইনৰ ৰাজধানী কিয়েভত উপস্থিত হৈছে৷ যুদ্ধৰ পৰিস্থিতিত ইউক্ৰেইনৰ আকাশ নিৰাপদ নহয় বুলিয়েই প্ৰধানমন্ত্ৰীয়ে এই ৰে’লযাত্ৰাৰ সিদ্ধান্ত হৈছে৷ ৱাৰেশৰ দৰে কিয়েভতো মোদীক স্বাগত জনাবলৈ প্ৰৱাসী ভাৰতীয়ই ভিৰ কৰাও পৰিলক্ষিত হয়৷
হোটেলত উপস্থিত হৈ প্ৰায় আধাঘণ্টাৰ পাছতেই মোদীয়ে গান্ধীমূৰ্তিত গৈ শ্ৰদ্ধা অৰ্পণ কৰে৷ তাত থকা প্ৰৱাসী ভাৰতীয়ক উদ্দেশ্যি মোদীয়ে কয়, ‘ভাৰতৰ অৱস্থান পৰিষ্কাৰ, এইয়া যুদ্ধৰ সময় নহয়৷ আমি সকলোৱে ঐক্যবদ্ধভাৱে মানৱতাৰ এই সংকটক দূৰ কৰিব লাগিব৷’
জেলেনস্কিৰ সৈতে সাক্ষাৎপৰ্বত কৰমৰ্দনৰ ওপৰিও আছিল মোদীসুলভ আলিংগনো৷ তেওঁলোক দুয়ো একেলগে নেশ্ব্যনেল মিউজিয়াম অফ হিষ্ট্ৰীত যায়৷ তাতেই মাল্টিমিডিয়া মাৰ্টিৰোলজিষ্ট এক্সপোজিশ্ব্যন যুদ্ধত নিহত শিশুসকলৰ ছবি আৰু স্মৃতিসৌধ আছে৷ এই স্থানৰ পৰা উলোটি গৈ দুই ৰাষ্ট্ৰনেতাই বৈঠকতো বহিছে৷ প্ৰসংগত ১৯৯১ চনৰ পাছত এই প্ৰথম ভাৰতৰ কোনো এজন প্ৰধানমন্ত্ৰী ইউক্ৰেইনলৈ যায়৷ চলিত বছৰ ৮ জুলাইত ভ্লাডিমিৰ পুটিনৰ সৈতে দ্বিপাক্ষিক বৈঠকত অংশ লৈ ৰাছিয়া যাত্ৰা কৰে মোদীয়ে৷ কূটনৈতিক ক্ষেত্ৰত ভাৰসাম্যৰ বাৰ্তা দি এইবাৰ ৰাছিয়াৰ শত্ৰু দেশত ভাৰতৰ প্ৰধানমন্ত্ৰী উপস্থিত হোৱাক লৈ চলিছে বহু চৰ্চাও৷
কূটনৈতিক ক্ষেত্ৰত ভাৰসাম্যৰ বাৰ্তা দিছে এইবাৰ ৰাছিয়াৰ শত্ৰু দেশলৈ গৈছে ভাৰতৰ প্ৰধানমন্ত্ৰী৷ সমালোচকে অৱশ্যেই কৈছে, আমেৰিকাসহ পশ্চিমী দুনীয়াক সন্তুষ্ট কৰিবলৈকে এই যাত্ৰা৷ তাৎপৰ্যপূৰ্ণভাৱে মোদীৰ ইউক্ৰেইন যাত্ৰাৰ পূৰ্বে বৃহস্পতিবাৰে নিশাৰ পৰা ইউক্ৰেইন জুৰি ধাৰাবাহিক ড্ৰোন আক্ৰমণ কৰে ৰাছিয়াই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
