দুৰ্গাপূজালৈ মাজত মাত্ৰ এমাহ৷ চাৰিওফালে পূজাক লৈ আৰম্ভ হৈছে প্ৰস্তুতি৷ শেহতীয়াকৈ খুচুৰা ব্যৱসায়ীৰ পৰা বৃহৎ কোম্পানীলৈকে সকলোৱেই এতিয়া আৰম্ভ কৰিছে পূজা অফাৰ৷ আপুনি যদি মোবাইল প্ৰেমী তেন্তে আপোনাৰ বাবেও আছে সুখবৰ৷ কাৰণ পূজাৰ পূৰ্বেই বজাৰলৈ আহি আছে আইফোন ১৬ ছিৰিজ৷
ফোনৰ বিশ্বৰ আইফোন বেছিসংখ্যকৰেই পছন্দ৷ আইফোনৰ একোটা নতুন চিৰিজৰ বাবে অপেক্ষা থাকে প্ৰায়সংখ্যক মোবাইল প্ৰেমীৰেই৷ এইবাৰ পূজাৰ বতৰতেই আহিছে আন এক সুখবৰ৷ ছেপ্টেম্বৰ মাহত বজাৰলৈ আহিব আইফোনৰ নতুন চিৰিজ৷
আইফোন-১৬
আইফোনৰ বাকী চিৰিজসমূহৰ দৰে আইফোন ১৬, আইফোন ১৬প্লাছ, আইফোন ১৬ প্ৰ আৰু আইফোন প্ৰ মেক্স এই চাৰিটা মডেল থাকিব নতুন চিৰিজত৷ লগতে থাকিব আৰু উন্নত মানৰ আৰু নতুন সা সুবিধাযুক্ত আইপড আৰু এপল ৱাচ্চো৷
সূত্ৰৰ খবৰ অনুসৰি নতুন আইফোন ১৬ চিৰিজৰ প্ৰতিটো মডেলৰ ডিছপ্লে পুৰণি মডেলৰ তুলনাত ডাঙৰ হ’ব৷ কিন্তু ফোনৰ আকাৰ একেই থাকিব৷ আইফোনৰ নতুন এই চিৰিজত বেটেৰী পৰিসেৱা আৰু ভাল হ’ব বুলি আশা কৰিছে বিশেষজ্ঞসকলে৷ চাৰিটা মডেলেই থাকিব এই কেপচাৰ বুটাম৷
কেপচাৰ বুটাম ফোনৰ মূল ডিছপ্লেৰ কোনো এক কোণত থাকে৷ ফোনৰ লক নুখুলাকৈ কেপচাৰ বাটনত ক্লিক কৰিলেই কেমেৰা অন হৈ যাব৷
কিমান দাম হ’ব আইফোন-১৬ৰ?
আইফোন-১৬ ছিৰিজৰ দাম কিমান হ’ব সেয়া এতিয়াও এপল সংস্থাৰ তৰফৰ পৰা আনুষ্ঠানিকভাৱে ঘোষণা কৰা হোৱা নাই৷ কিন্তু আইফোন প্ৰেমীসকলৰ সমীক্ষাই কৈছে যে এই নতুন চিৰিজৰ বেছ মডেলৰ দামেই ১ লাখ ২০ হাজাৰ টকাৰ পৰা আৰম্ভ হ’ব? ইয়াৰে আনকেইটা মডেলৰ দাম অৱশ্যে বেছি হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
