হাতৰ পতাত বহু চিহ্ন থাকে৷ হস্তৰেখাশাস্ত্ৰ অনুসৰি এই সকলো চিহ্নৰ কোনো কোনো অত্যন্ত শুভ৷ হাতৰ পতাত থকা কেইটামান চিহ্নৰ পৰাই জানিব পাৰিব যে আপোনাৰ ওপৰত দুৰ্গাৰ আশীৰ্বাদ বৰ্ষিত হৈ আছে৷ জানি থওক হাতৰ পতাত থকা কোন কোন চিহ্নই দেৱী দুৰ্গাৰ আশীৰ্বাদৰ ইংগিত দিয়ে৷
পদ্ম চিহ্ন
আপোনাৰ হাতৰ পতাত যদি পদুমফুলৰ দৰে চিহ্ন আছে তেন্তে আপুনি আনন্দেৰে জীৱনটো কটাব৷ পদ্ম চিহ্ন যিসকলৰ হাতত থাকে তেওঁলোক প্ৰচুৰ ধন সম্পদৰ গৰাকী হয়৷ হস্তৰেখাশাস্ত্ৰই কৈছে যে হাতৰ পতাত পদ্ম যিসকলৰ থাকে তেওঁলোক সম্পদেৰে শীৰ্ষত থাকে৷ পাঁচ পাপৰিৰ পদুম হাতত থকা সকলোতকৈ বেছি শুভ আৰু সকলোতকৈ বিৰল৷
ত্ৰিশূল চিহ্ন
মা দুৰ্গাৰ হাতত থাকে ত্ৰিশূল৷ ত্ৰিশূল হাতত লৈয়েই মহিষাসূৰ বধ কৰিছিল দুৰ্গাই৷ হিন্দু ধৰ্ম অনুসৰি ত্ৰিশূল হৈছে অশুভ শক্তিক বিনাশ কৰি শুভ শক্তিক আবাহন কৰাৰ প্ৰতীক৷ হাতৰ পতাত ত্ৰিশূল চিহ্ন থাকিলে বুজিব যে দেৱী দুৰ্গাৰ আশীৰ্বাদ আপোনাৰ ওপৰত আছে৷ এওঁলোক ধাৰ্মিক প্ৰকৃতিৰ হয় আৰু জীৱনত হঠাৎ উত্তৰাধিকাৰ সূত্ৰে সম্পদ লাভ কৰে৷
মাছৰ চিহ্ন
হাতত মাছৰ চিহ্ন থকা অত্যন্ত শুভ৷ হাতত শনিৰ পৰ্বতৰ ওপৰত মৎস্য চিহ্ন থাকিলে সেই ব্যক্তিৰ জীৱনত প্ৰচুৰ সুখ আৰু সৌভাগ্য লাভ হয়৷ এওঁলোক কঠোৰ পৰিশ্ৰমী আৰু শক্তিশালী হয়৷ চাকৰিৰ পৰা ব্যৱসায়লৈকে সকলোতে এওঁলোক পাৰ্গত হয়৷ এই জাতকৰ জীৱনত মা দুৰ্গাৰ কৃপাত প্ৰচুৰ অৰ্থ উপাৰ্জন হয়? এওঁলোকে প্ৰচুৰ প্ৰভাৱ প্ৰতিপত্তি অৰ্জন কৰে৷
তৰা চিহ্ন
হাতৰ একাধিক স্থানত তৰা চিহ্ন থাকিলে শুভ৷ হাতৰ কিছু স্থানত থকা তৰা চিহ্নই অশুভ প্ৰভাৱো কঢ়িয়াই আনিব পাৰে৷ সূৰ্য পৰ্বতৰ ওপৰত তৰা চিহ্ন থাকিলে শুভ৷ এওলোকে জীৱনত খ্যাতি, প্ৰতিপত্তি, সাফল্য আৰু সম্পদ লাভ কৰে৷
পতাকা চিহ্ন
হাতৰ পতাত পতাকা চিহ্ন যিসকলৰ থাকে তেওঁলোকে সকলোতে জিকি যায়৷ বৃহস্পতিৰ পৰ্বতৰ ওপৰত পতাকা চিহ্ন থাকিলে জাতক অত্যন্ত জ্ঞানী আৰু উচ্চশিক্ষিত হয়৷ বিজ্ঞান, ৰাজনীতি আৰু ইতিহাস বিষয়ত এওঁলোক খুবেই পাৰ্গত হয়৷ প্ৰতিৰক্ষা বাহিনীলৈ গ’লেও এওঁলোক সফল হয়৷
স্বাস্তিক চিহ্ন
হাতত স্বাস্তিক চিহ্ন থাকিলে বুজিব যে দেৱী দুৰ্গাৰ আশীৰ্বাদ আপোনাৰ ওপৰত আছে৷ এওঁলোক ৰাজযোগৰ অধিকাৰী হয়৷ এওঁলোকে জীৱনত দ্ৰুত সাফল্য লাভ কৰে৷ কম চেষ্টা কৰিও বৃহৎ সাফল্য পায়৷ এওঁলোক দয়ালু আৰু সকলো সময়তে অন্যক সহায় কৰিবলৈকো আগুৱাই যায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
