মানৱ সভ্যতাৰ ইতিহাসত এনে ঘটনা এবাৰেই নথিভুক্ত হৈছে৷ এটা দেহত এটা নহয়, তিনিটাকৈ যৌনাংগ৷ কিছুদিন পূৰ্বে এই বিৰল ঘটনাৰ সাক্ষী হৈছে বাৰ্মিংহাম বিশ্ববিদ্য্যালয়ৰ গৱেষক৷ বিগত বছৰৰ শেষত বাৰ্মিংহাম বিশ্ববিদ্যালয়ৰ চিকিৎসা গৱেষণাৰ বাবে দেহ দান কৰিছে এগৰাকী ব্যক্তিয়ে৷ সেই দেহৰ পৰীক্ষা নিৰীক্ষা কৰাৰ সময়ত চিকিৎসকে দেখি আচৰিত হৈছে৷ চিকিৎসকে জনাইছে যে সেই মৃত ব্যক্তিৰ শৰীৰত আছিল তিনিটাকৈ যৌনাংগ৷ যি চিকিৎসা বিজ্ঞানৰ ‘ট্ৰিফেলিয়া’ নামেৰে পৰিচিত৷
ঘটনাটো ঘটিছে বাৰ্মিংহাম বিশ্ববিদ্যালয়ৰ মেডিকেল স্কুলত৷ জন বুকানন নামৰ এগৰাকী গৱেষকৰ নেতৃত্বত ৭৮ বছৰ বয়সীয়া এই ব্যক্তিৰ দেহৰ পষ্টমৰ্টেম কৰিছিল চিকিৎসকে৷ তেতিয়াই তেওঁ জানিব পাৰে যে সেই ব্যক্তিৰ জন্মৰ পৰা তিনিটা যৌনাংগ আছিল৷ এটা যৌনাংগ দৃশ্যমান আছিল কিন্তু বাকী দুটা যৌনাংগ শৰীৰৰ ভিতৰত আছিল৷ ভিতৰৰ দুটা সৰু লিংগই স্তুপীকৃত আকাৰত আছিল কিন্তু সেইসমূহৰ আকাশ প্ৰধান লিংগতকৈ সৰু আছিল৷
বুকাননে জনাইছে যে এই ধৰণৰ ঘটনাক বিজ্ঞানৰ পৰিভাষাত পলিফেলিয়া বুলি কোৱা হয়৷ যাৰ অৰ্থ একাধিক যৌনাংগ থকা৷ তিনিটা যৌনাংগ থকাৰ ঘটনাক ট্ৰিফেলিয়া বুলি কোৱা হয়৷ যি খুবেই বিৰল৷ ১৬০৬ ৰ পৰা ২০২৩ চন পৰ্যন্ত পলিফেলিয়াৰ একাধিক উদাহৰণ বিচাৰি পোৱা যায়৷ ট্ৰিফেলিয়াৰ উদাহৰণ পূৰ্বে কেৱল নথিভুক্ত কৰা হৈছিল৷ ২০২০ চনত ইৰাকত তিনি মাহ বয়সীয়া এটি শিশুৰ শৰীৰত প্ৰথম তিনিটা পুৰুষাংগ দেখা গৈছিল৷ কিন্তু সেইক্ষেত্ৰত সকলো লিংগই বাহিৰৰ পৰা দেখা গৈছিল৷ ফলত চিকিৎসকৰ অস্ত্ৰোপচাৰৰ মাধ্যমেৰে শিশুটিক সুস্থ কৰি তোলে৷ এইক্ষেত্ৰত যিহেতু বাকী দুই যৌনাংগ দেহৰ ভিতৰত আছিল সেয়া সম্ভৱত সংশ্লিষ্ট ব্যক্তিয়ে কোনো দিনেই এয়া গম নাপালে৷ তেওঁ যে বিৰল ৰোগৰ চিকাৰ হৈ আছিল সেই কথা তেওঁ জীৱনকালত গম নাপালে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
