আজৱ চোৰৰ গজৱ কাহিনী, ৰসগোল্লা খাবলৈ চ্যুট পিন্ধি বিমানেৰে পালেগৈ কলকাতা
এইধন দেশত নহয় কি, যি কথা অন্য দেশৰ লোকে ভাবিবও নোৱাৰে সেই কথা ভাৰতত নিতৌ হৈ থাকে। একেবাৰে আজৱ দেশৰ গজৱ কথা। এইবাৰ এটা চোৰৰ কাণ্ড কাৰখানাই চকু কপালত তুলিছে সকলোৰে।
বিলাসী জীৱন জীয়াই ভাল পোৱা এটা চোৰে ৰসগোল্লা খাবলৈ চ্যুট পিন্ধি বিমানেৰে যাত্ৰা কৰি উপস্থিত হয় কলকাতাত। বিশেষ পানীয় খাবলৈ বিমানেৰে য়ায় গোৱা। তেনে ধৰণৰ বিভিন্ন আজৱ কাণ্ড চোৰৰ।
পাছে চোৰৰ নাই কোনো কোটি টকা বা লাখ টকা। উপাৰ্জন কৰা আৰু উৰুৱাই দিয়া, সেয়াই এই চোৰৰ জীৱন। এই ঘটনা গুজৰাটৰ এটা চোৰৰ। নাম নামদেৱ।
গুজৰাটত চোৰৰ কাম কৰা নামদেৱ মধ্যপ্ৰদেশৰ। দেখাই শুনাই সুন্দৰ চেহেৰা থকা নামদেৱে সাজপাৰো কৰে ভাল নামী-দামী ব্ৰেণ্ডৰ। সদায়ে ৩ টায়াৰ এটি নাইবা ২ টায়াৰ এচি, কিম্বা বিমানেৰেহে যাত্ৰা কৰে নামদেৱে। যাৰ বাবে কাৰোৰে সন্দেহ নহয় নামদেবৰ ওপৰত।
দ্বাদশ ফেইল নামদেৱে চোৰ কৰে আহমেদাবাদৰ পৰা বডোডৰাৰ পথত ট্ৰেইনত। বিশেষকৈ গহণা চোৰ কৰাৰ নামদেবে এই পথ চোৰৰ বাবে নিৰ্বাচন কৰাৰ কাৰণ, এই পথত ধনী ঘৰৰ মহিলাই অধিক গহনা পিন্ধি যাত্ৰা কৰে। বিশেষকৈ বিবাহৰ চিজনত।
এই পথত গহনা চোৰৰ বাবে নামি পৰে নামদেবে। নিশা হলেই মহিলাৰ গহনা লৈ উধাও হয় নামদেৱ। পাছে দিন সকলোৰে একে নাযায়। বুধবাৰে ৩৪ লাখ টকাৰ গহনাৰে সৈতে হাতে লোতে ধৰা পৰে নামদেৱ। বিগত ৩ মাহ ধৰি এইদৰে চোৰ কৰি আহিছিল।
অৱশেষত আৰক্ষীৰ হাতত ধৰা পৰে নামদেব । আৰক্ষৰী জেৰাত কৈ যায় এফালৰ পৰা নিজৰ বিলাসীতা জীৱনৰ কথা। চোৰ কাৰ্য কৰাৰ বাবে পৰিয়ালৰ পৰাও বিচ্ছেদ হৈ পৰিছে। যাৰ বাবেই আহমেদাবাদতেই হোটেল বুক কৰি হোটেলত থাকি আছিল। সলাই গৈছিল এখনৰ পাছত আন এখন হোটেল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
