‘নিষিদ্ধ সংগঠনক আৰ্থিক সহায় কৰে পাকিস্তানে’, প্ৰতিৰক্ষা মন্ত্ৰী খোৱাজা আছিফে নিজেই উদঙাই দিলে সকলো
পাকিস্তানৰ প্ৰতিৰক্ষা মন্ত্ৰী খোৱাজা আছিফৰ বহু ভিডিঅ’ ছ’চিয়েল মিডিয়াত ভাইৰেল হৈ পৰিছে। এই ভিডিঅ’টোত খোৱাজা আছিফে নিজে কৈছে যে পাকিস্তানে ৩ দশক ধৰি সন্ত্ৰাসবাদীক ধনেৰে সহায় কৰি আহিছে। এই ভিডিঅ’টো আমেৰিকাৰ নিউজ চেনেল স্কাই নিউজক দিয়া সাক্ষাৎকাৰ বুলি জানিব পৰা গৈছে।
সাক্ষাৎকাৰত পাকিস্তানৰ প্ৰতিৰক্ষা মন্ত্ৰীয়ে নিজেই স্বীকাৰ কৰে যে পাকিস্তানে সন্ত্ৰাসবাদীক ধন আগবঢ়ায় আৰু আমেৰিকাৰ নিৰ্দেশতেই বহু বছৰ ধৰি এই কাম কৰি আহিছে। এই কাম কৰাটো ভুল আছিল। পশ্চিমীয়া দেশৰ নিৰ্দেশত এই লেতেৰা কাম কৰি থকা বুলি উল্লেখ কৰে প্ৰতিৰক্ষা মন্ত্ৰীগৰাকীয়ে।
আমেৰিকা লগতে ইয়াৰ ভিতৰত গ্ৰেট ব্ৰিটেইনো অন্তৰ্ভুক্ত বুলি উল্লেখ কৰে খোৱাজা আছিফে। সেই সাক্ষাততে পাকিস্তানৰ প্ৰতিৰক্ষা মন্ত্ৰীয়ে ভাৰতে সন্ত্ৰাসবাদ বিয়পোৱাৰ অভিযোগ উত্থাপন কৰে। সাক্ষাৎকাৰৰ পূৰ্বে ইছলামবাগত এখন সংবাদমেল অনুষ্ঠিত কৰি তেওঁ চোৰাংচোৱাৰ তথ্য লাভ কৰা বুলি কয়।
লগতে ইয়াকো কয় যে, ভাৰতে পাকিস্তানৰ সৈতে পূৰ্ণাংগ যুদ্ধৰ পৰিৱৰ্তে সন্ত্ৰাসবাদী আক্ৰমণৰ পৰিকল্পনা কৰিছে। যিকোনো আক্ৰমণৰ সৈতে মোকাবিলা কৰিবলৈ সাজু পাকিস্তান সেনা। যদি পাকিস্তানত যিকোনো আক্ৰমণত ভাৰতৰ ভূমিকা পোৱা যায় তেন্তে ভাৰতীয় নাগৰিকও নিৰাপদ নহ’ব বুলি উল্লেখ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
