কেনেকৈ কাম কৰে সন্ত্ৰাসবাদী গোষ্ঠীয়ে? কাশ্মীৰত কেনেকৈ নিৰ্মূল কৰিব পাৰিব সন্ত্ৰাসবাদ? প্ৰাক্তন সন্ত্ৰাসবাদী মহম্মদ কালুৱে প্ৰধানমন্ত্ৰীক দিলে বিশেষ পৰামৰ্শ

পহেলগাম আক্ৰমণৰ ১২ দিন সম্পূৰ্ণ হ’ল৷ ভাৰতে কেতিয়া প্ৰত্যাক্ৰমণ কৰিব সেই প্ৰশ্ন বহুতৰে মনত৷ দেশৰ মানুহে যি বিচাৰিছে সেয়াই হ’ব বুলি জনাইছে প্ৰতিৰক্ষামন্ত্ৰীয়ে৷ ইয়াৰ মাজতেই ভাইৰেল হৈছে এক বিস্ফোৰক সাক্ষাৎকাৰ৷ প্ৰায় ২০ বছৰ পূৰ্বে সন্ত্ৰাসৰ পথ ত্যাগ কৰিছে মহম্মদ কালুয়ে৷ এসময়ত কাশ্মীৰ উপত্যকা কঁপিছিল তেওঁৰ ত্ৰাসত৷ নিউজ টকক দিয়া এক সাক্ষাৎকাৰত মহম্মদ কালুৱে কৈছে, কাশ্মীৰ উপত্যাকত ইমান ডাঙৰ সন্ত্ৰাসবাদী আক্ৰমণ কেনেকৈ হল? কেন্দ্ৰৰ মোদী চৰকাৰকো কাশ্মীৰৰ পৰা কেনেকৈ সন্ত্ৰাসবাদ নিৰ্মূল কৰিব সেই বিষয়ক লৈ উপায়ো দিছে৷

পূৰ্বে আছিল সন্ত্ৰাসবাদী৷ এতিয়া সেই পথ ত্যাগ কৰিছে মহম্মদ কালুৱে৷ সেই সাক্ষাৎকাৰত জনায় যে পহেলগামত যি ডাঙৰ সন্ত্ৰাসবাদী আক্ৰমণ হৈছে সেয়া পাকিস্তানৰেই কাম৷ জম্মু কাশ্মীৰত সন্ত্ৰাসবাদ বঢ়োৱাত চীনো পাকিস্তানৰ সৈতে তৎপৰ৷ কালুৱে লগতে জনাইছে যে কাশ্মীৰৰ অৰ্ধেক পাকিস্তানৰ ভিতৰত৷ পৰিস্থিতি খুবেই বেয়া৷

এসময়ত জংগী কাৰ্যকলাপ আছিল তেওঁৰ প্ৰধান কাম৷ সেই সন্ত্ৰাসবাদী কালু এতিয়া বাল্মীকি৷ পহেলগামত হোৱা আক্ৰমণত তীব্ৰভাৱে নিন্দা কৰিছে কালুৱে৷ তেওঁ কয়, ‘মই অতি দুখ পাইছো৷ পহেলগামত যি হৈছে এয়া নহ’বলগীয়া ঘটনা৷ শিশু বা মহিলা বা পুৰুষ যিয়েই নহওক তেওঁলোক পৰ্যটক আছিল৷ এইসকল নিৰীহ পৰ্যটকক আক্ৰমণ কৰিবলৈ কোনে অস্ত্ৰ দিলে? কিয় এনে কাম কৰিলা? তোমালোক মানুহ নহয়৷ তোমালোক পশু৷ যিয়ে এই কাম কৰিছা তোমালোক মানুহ প্ৰজাতিৰ হ’বই নোৱাৰা৷’

সন্ত্ৰাসবাদীৰ কোনো ধৰ্ম নাইঃ মহম্মদ কালু

মহম্মদ কালুৱে কয়, ‘যিসকলে কৈছে সন্ত্ৰাসবাদীয়ে পৰ্যটকৰ পৰা ধৰ্ম সুধিছিল, কলমা পঢ়িবলৈ কৈছিল সেয়া আচৰিত৷ মইতো কওঁ সন্ত্ৰাসবাদীৰ কোনো ধৰ্ম থাকিবই নোৱাৰে৷ পৰ্যটকক লক্ষ্য কৰি বহুত বেয়া কাম কৰিলে৷ আমি কাশ্মীৰিসকল পৰ্যটকৰ ওপৰত ভিত্তি কৰিয়েই চলো৷ আমি দুবেলা দুমুঠি ইয়াৰ পৰাই খাই আছিলো৷

মই কেতিয়াও পাকিস্তান যোৱা নাইঃ কালু

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ