ভগৱানেই নিৰৱ হৈ শুই থাকিল, অনুষ্ঠান কেনেকৈ সম্ভৱ! কণ্ঠশিল্পী মৰ্মিতা মিত্ৰই জুবিন গাৰ্গৰ সোঁৱৰি ল’লে বিশেষ সিদ্ধান্ত

জুবিন আছিল সকলোৰেই ঘৰৰ মানুহ। এইকথা জুবিনে জীয়াই থাকোতেই কৈছিল। সেয়া যেন সঁচা প্ৰমাণিত হৈছে। জুবিনৰ মৃত্য়ুৱে অসমবাসীৰ প্ৰত্যেককেই নিজৰ ঘৰৰ মানুহ এজন হেৰুৱালে তেনে অনুভৱ কৰাইছে। জুবিনৰ তেনে এগৰাকী অনুৰাগী কণ্ঠশিল্পীয়ে সামাজিক মাধ্যমত লিখিছে বিশেষ পোষ্ট। জুবিন গাৰ্গৰ মৃত্যুৱে তেওঁকো জোকাৰি গৈছে। জুবিন গাৰ্গ জীৱিত থাকোতেই তেওঁ জুবিন গাৰ্গক তেওঁৰ ভগৱান আখ্যা দিছিল। বহু অনুষ্ঠানত গীত পৰিবেশন কৰোতে তেওঁ সেই কথা উত্থাপন কৰিছে। শেহতীয়াকৈ কণ্ঠশিল্পী  মৰ্মিতা মিত্ৰই জুবিন গাৰ্গৰ মৃত্যুৰ বাবে তেওঁৰ সমূহ অনুষ্ঠান বাতিল কৰিছে। সামাজিক মাধ্যমত মৰ্মিতাই লিখিছে-

এই অনুষ্ঠানসমূহও বাতিল কৰাৰ সিদ্ধান্ত গ্ৰহণ কৰিছোঁ। ঠাইৰ নামবোৰ উল্লেখ কৰাৰ কাৰণ হল কিছুমান সন্মানীয় সমিতিৰ সদস্যই মোৰ ফালৰ পৰা ৰাইজক জনাবলৈ আগতেও অনুৰোধ কৰিছিলে, এতিয়াও কৰিলে, আৰু বহুতে মোৰ পুৰণি ভিডিঅ’ কিছুমান আপলোড কৰি লিখিছে, মই এতিয়াও শ্ব’ কৰি আছো, সেইবাবে নামবোৰ উল্লেখ কৰিছোঁ