গভীৰ নিশা গুলি চলিছিল পৰিচালক ৰোহিত চেট্টীৰ ঘৰৰ সন্মুখত৷ বলীউডত এইবোৰ যেন দৈনন্দিন ঘটনা হৈ পৰিছে৷ আৰক্ষী সূত্ৰৰ পৰা জনা গৈছে যে এটাৰ পাছত আনটো গুলি চলিছে ৰোহিত চেট্টিৰ ঘৰৰ সন্মুখত৷ অৱশ্যে এতিয়ালৈকে হতাহতিৰ কোনো খবৰ অহা নাই৷ ইতিমধ্যেই এই ঘটনাক লৈ পৰিচালক ৰোহিতে মুম্বাই আৰক্ষীক কাষ চাপিছে৷
মুম্বাইৰ জুহু এলেকাত এটা এপাৰ্টমেণ্টৰ ১০ তলাত পত্নী আৰু মাতৃৰ সৈতে থাকে চেন্নাই এক্সপ্ৰেছৰ পৰিচালক ৰোহিত৷ শনিবাৰে মাজনিশা তেওঁলোকৰ ফ্লেটল্য লক্ষ্য কৰি গুলি চলোৱা হয় বুলি জনা গৈছে৷ প্ৰশ্ন উঠিছে, তেওঁৰ ঘৰত চুৰি বা ডকাইটিৰ উদ্দেশ্য আছিল নেকি দুষ্কৃতিকাৰীৰ? ইয়াৰ মাজতেই প্ৰকাশ্যে আহিছে ৰোহিতৰ সম্পত্তিৰ পৰিমাণ৷
অসংখ্য হিট ছবি আছে ৰোহিত চেট্টীৰ পৰিচালনাত৷ বলীউডত তেঁৱেই তৈয়াৰ কৰিছে কপ ইউনিভাৰ্ছ৷ ইয়াৰোপৰি এখন জনপ্ৰিয় ৰিয়েলিটি শ্ব’ৰো সঞ্চালক তেওঁ৷ বৰ্তমান ৰোহিত ২৮০ কোটি টকা সম্পত্তিৰ মালিক৷ কেৱল জুহুতেই নহয়, নবি মুম্বাইতো আৰু এক বিলাসী ঘৰ আছে ৰোহিতৰ৷ যাৰ দাম ৬ কোটি টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
