ডায়বেটিছ এক জটিল অসুখ৷ আৰু এই ৰোগে শৰীৰক ঘেৰি ধৰিলে জীৱনত কিছু খাদ্য এৰি দিয়াটো জৰুৰী৷ অন্যথা স্বাস্থ্য বেয়া হ’বলৈ সময় নালাগে৷ আনকি একাধিক অংগৰো বৃহৎ ক্ষতি হ’ব পাৰে৷ সেয়ে সাৱধান হওক৷ আমাৰ পৰিচিত কিছু ফলো ডায়বেটিছৰ বাবে একেবাৰেই ভাল নহয়৷ এইসমূহ খালে শৰীৰৰ অৱস্থা বেয়া হ’ব পাৰে৷ পাছলৈ একাধিক সমস্যা হ’ব পাৰে৷ সাৱধান হৈ এইসমূহ ফল ত্যাগ কৰাটোৱেই শ্ৰেষ্ট উপায়৷
আম
ডায়বেটিছত আম খোৱাটো একেবাৰেই বেয়া৷ এই ফলৰ গ্লাইছেমিক ইনডেক্স বেছি৷ অৰ্থাৎ কোনো খাদ্য খালে ছুগাৰ কিমান সোনকালে বাঢ়িব পাৰে তাকেই গ্লাইছেমিক ইনডেক্সৰ মাধ্যমেৰে বুজোৱা হয়৷ জানিলে আচৰিত হ’ব যে একাপ আমৰ ৰসত প্ৰায় ২৩ গ্ৰাম ছুগাৰ থাকে৷ যাৰ ফলত সেয়া খালে তেজত গ্লুকজ লেভেল দ্ৰুত গতিত বাঢ়ি যায়৷ সেয়ে ডায়বেটিছ থাকিলে এই ফল এৰাই চলক৷
আঙুৰ
আঙুৰ খাবলৈ ভীষণভাৱে ভালপায়৷ ইয়াৰ মিঠা সোৱাদৰ তুলনা নাই৷ কিন্তু বেয়া খবৰ এয়াই যে ডায়বেটিছত এই ফল খালে শৰীৰৰ অৱস্থা বেয়া হ’ব পাৰে৷ ইয়াত থকা ফ্ৰুক্টজে দেহৰ ক্ষতি কৰিব পাৰে৷ সেয়ে এই ফল এৰাই চলাৰ চেষ্টা কৰক৷
আনাৰস
গৰম পৰিবলৈ আৰম্ভ কৰিছে৷ এই সময়তে আনাৰস পোৱা যায়৷ কিন্তু ডায়বেটিছ থকা ব্যক্তিয়ে আনাৰস খোৱাটো বিষৰ সমান৷ কাৰণ আনাৰসে লগে লগেই ছুগাৰৰ পৰিমাণ শৰীৰত বঢ়াই দিয়ে৷ এই ফলৰো গ্লাইছেমিক ইনডেক্স বহু বেছি৷ সেয়ে নিয়মিত আনাৰস খালে দেহৰ অৱস্থা বেয়া হ’বলৈ সময় নালাগে৷
তৰমুজ
গৰমৰ ফল তৰমুজ৷ এই ফল বেছি পৰিমাণে খোৱাটো অনুচিত৷ ডায়বেটিছ থকা ব্যক্তিয়ে এই ফল খালে শৰীৰৰ অৱস্থা বেয়ালৈ ঢাল খাব পাৰে৷ কাৰণ ইয়াতো গ্লাইছেমিক ইনডেক্স বহু বেছি৷ ইয়াৰোপৰি ইয়াত প্ৰাকৃতিক চেনীও আছে৷ সেয়ে তৰমুজৰ পৰা দূৰৈত থকাৰ চেষ্টা কৰক৷
কল
অত্যন্ত উপকাৰী হলেও ডায়বেটিছ থকা ব্যক্তিয়ে কল নোখোৱাটোৱেই শ্ৰেয়৷ এই ফলত আছে কাৰ্বোহাইড্ৰেটৰ ভাণ্ডাৰ৷ ইয়াৰোপৰি ইয়াত ভাল পৰিমাণে ছুগাৰো থাকে৷ সেয়ে ডায়বেটিছত কল থাকে শৰীৰৰ অৱস্থা বেয়া হ’বলৈ সময় নালাগে৷ কল নাখাবলৈকে চেষ্টা কৰিব ছুগাৰ থকা ব্যক্তিয়ে৷
কি খাব?
কল, আনাৰস, তৰমুজ, আম, আঙুৰ ডায়বেটিছৰ বাবে বেয়া হ’লেও আপেল, মধুৰিআম, কিউই আৰু আমলখী উপকাৰী ফল৷ এইসমূহ ফল ডায়বেটিছ ৰোগীৰ বাবে উপকাৰী৷
(বিঃদ্ৰঃ এই প্ৰতিবেদন সচেতনতাৰ উদ্দেশ্যে লিখা হৈছে৷ কোনো ঔষধ গ্ৰহণ কৰাৰ পূৰ্বে অৱশ্যেই নিজে চিকিৎসকৰ পৰামৰ্শ লওক৷)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
