চলিত সপ্তাহত ৰূপতেই বাঢ়িল ৮হাজাৰ টকা, কিমান বাঢ়িল সোণৰ দাম? জানি থওক সাপ্তাহিক ৰেট

চলিত সপ্তাহতে আকৌ বাঢ়িছে সোণ আৰু ৰূপৰ দাম৷ সোণৰ দাম প্ৰতি ১০ গ্ৰামত ২৩০০ টকাতকৈয়ো বেছি বৃদ্ধি পাইছে আৰু ৰূপৰ দাম প্ৰতি কিঃগ্ৰাঃত প্ৰায় ৮০০০ টকাতকৈ বেছি বাঢ়িছে৷ এই সপ্তাহত সোণ আৰু ৰূপৰ দাম বৃদ্ধিৰ কাৰণ হৈছে মাৰ্কিন যুক্তৰাষ্ট্ৰ আৰু ইৰাণৰ মাজত ক্ৰমবৰ্ধমান উত্তেজনা, যিয়ে মূল্যবান ধাতুৰ দামক ঊৰ্ধ্বমুখী কৰি তুলিছে৷ আপুনি যদি সোণ আৰু ৰূপ কিনাৰ পৰিকল্পনা কৰি আছে তেন্তে সাপ্তাহিক মূল্য পৰিবৰ্তন আৰু সৰ্বশেষ হাৰ পৰ্যালোচনা কৰা জৰুৰী৷

ইণ্ডিয়া বুলিয়ান জুয়েলাৰ্ছ এছোচিয়েছন অনুসৰি ২৪ কেৰেট সোণৰ দাম প্ৰতি ১০ গ্ৰামত বাঢ়ি হৈছে ১৫৫,০৬৬ টকা৷ যি বিগত সপ্তাহত আছিল প্ৰতি ১০ গ্ৰামত ১৫২, ৭৬৫ টকা৷ অৰ্থাৎ এই সপ্তাহত সোণৰ দাম ২৩০১ টকা বাঢ়িছে৷ ২২ কেৰেট সোণৰ দাম প্ৰতি ১০ গ্ৰামত বাঢ়ি ১৪২, ০৪০ টকা হৈছে৷ যি পূৰ্বৰ সপ্তাহত আছিল ১৩৯, ৯৩৩ টকা৷ ১৮ কেৰেট সোণৰ দাম প্ৰতি ১০ গ্ৰামত বাঢ়ি হৈছে ১১৬, ৩০০ টকা হৈছে৷ যি বিগত সপ্তাহত প্ৰতি ১০ গ্ৰামত আছিল ১১৪, ৫৭৪ টকা৷

সোণৰ দামে অতিক্ৰম কৰিলে ১.৫৫ লাখ টকা

এই সপ্তাহৰ আৰম্ভণিতে সোণৰ দাম কিছু কমা দেখা গৈছে, কিন্তু সপ্তাহৰ শেষত প্ৰতি ১০ গ্ৰামত সোণৰ দাম মুঠ ২৩০০ টকা বৃদ্ধি পাইছে৷

সৰ্বশেষ মূল্যঃ ২৪ কেৰেট সোণৰ দাম এতিয়া ১৫৫, ২০০ টকাৰ পৰা ১৫৫, ৫০০ টকাৰ মাজত আছে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ