শীতৰ পিছত এতিয়া গৰম আগমন হৈছে। গৰমৰ দিনত বহুতো সমস্যাই আমাক অশান্তি কৰে। গৰমৰ দিনবোৰত শৰীৰৰ পৰা যথেষ্ঠ ঘাম নিৰ্গত হয়। কিছুমানৰ ঘামৰ গোন্ধই সন্মুখত থকাজনক যথেষ্ঠ অশান্তি কৰে। অফিচত সহকৰ্মীসকলৰ সন্মুখত বহি বা ভিৰ কৰা বাছত যাত্ৰা কৰাৰ সময়ত শৰীৰৰ গোন্ধৰ ফলত লাজ পায়। ইয়াৰ ফলত আপোনাৰ আত্মবিশ্বাস হ্ৰাস হ’ব পাৰে। বহুতে ভাবে যে দামী সুগন্ধি বা শক্তিশালী ডিঅ’ডৰেণ্ট লগালে আপোনাক ভাল দেখাবলৈ যথেষ্ট! কিন্তু আমোদজনক কথাটো হ’ল ঘামৰ নিজস্ব কোনো গোন্ধ নাথাকে। যেতিয়া আমাৰ ছালৰ বেক্টেৰিয়াবোৰ ঘামৰ সংস্পৰ্শলৈ আহে তেতিয়া সেই গোন্ধৰ সৃষ্টি হয়। গতিকে বাহিৰা সুগন্ধি প্ৰয়োগ কৰিলে সাময়িক সকাহ পাব পাৰে যদিও ই স্থায়ী সমাধান নহয়। সুগন্ধি আৰু ঘামৰ গোন্ধ মিলি এক ভয়ংকৰ দুৰ্গন্ধৰ সৃষ্টি কৰে। কিন্তু চিন্তাৰ একো কাৰণ নাই, পাকঘৰৰ কিছুমান বস্তুৱে এই সমস্যা দূৰ কৰিব পাৰে…
পৰিষ্কাৰ-পৰিচ্ছন্নতাৰ প্ৰতি অতিৰিক্ত গুৰুত্ব দিয়ক: শৰীৰৰ যিবোৰ অংশত বেছি ঘাম ওলায়, সেয়া নিয়মিতভাৱে পৰিষ্কাৰ কৰি ৰাখক। দিনটোত কমেও দুবাৰ গা ধুলে আৰু এন্টিবেক্টেৰিয়েল চাবোন ব্যৱহাৰ কৰিলে দুৰ্গন্ধ বহু পৰিমাণে হ্ৰাস পাব পাৰে।
নেমু: নেমুৰ প্ৰাকৃতিক এন্টি-বেক্টেৰিয়েল গুণ আছে। গা ধোৱাৰ আগতে নেমুৰ টুকুৰা এটা লাহে লাহে ঘঁহি লওক। ইয়াৰ ফলত দুৰ্গন্ধ সৃষ্টি কৰা বেক্টেৰিয়াবোৰ নিধন হয়। কিন্তু ছালত ঘাঁ থাকিলে নেমু ব্যৱহাৰ নকৰাটো ভাল।
পৰ্যাপ্ত পৰিমাণে পানী খাব লাগে: শৰীৰে বিষাক্ত পদাৰ্থ উলিয়াই আনিব নোৱাৰাৰ সময়ত ঘামৰ গোন্ধ বেছি হয়। গতিকে প্ৰচুৰ পৰিমাণে পানী খাব। পানীয়ে আপোনাৰ শৰীৰক বিষমুক্ত কৰে আৰু ঘামৰ ঘনত্ব আৰু দুৰ্গন্ধ দুয়োটাকে হ্ৰাস কৰে।
প্ৰাকৃতিক সুগন্ধি: ৰাসায়নিক পদাৰ্থৰে ভৰপূৰ ডিঅ’ডৰেণ্টৰ পৰিৱৰ্তে গোলাপৰ পানী ব্যৱহাৰ কৰি চাব পাৰে। ই কেৱল ভাল গোন্ধ পোৱাই নহয়, ছালখনো ঠাণ্ডা কৰি ৰাখে। লগতে নিয়মিতভাৱে জোতা বা মোজা পৰিষ্কাৰ কৰি ভৰিৰ নখ শুকান কৰি ৰখাটোও অতি প্ৰয়োজনীয়।
গৱেষণাৰ মতে আমাৰ খাদ্যাভ্যাসে ঘামৰ গোন্ধতো প্ৰভাৱ পেলায়। গতিকে, এই গ্ৰীষ্মকালত লঘু খাদ্য আৰু এই সহজ ঘৰুৱা উপায়সমূহ অনুসৰণ কৰি আপুনিও সতেজ আৰু আত্মবিশ্বাসী হৈ থাকিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
