পশ্চিম এছিয়াৰ যুদ্ধত প্ৰভাৱিত হৈছে সমগ্ৰ বিশ্ব৷ তীব্ৰ হৈ উঠিছে ইন্ধনৰ সংকট৷ দাম বাঢ়িছে এল পি জিৰ পৰা আৰম্ভ কৰি ইন্ধনলৈকে৷ বিশেষকৈ ভাৰতৰ দৰে দেশত তেল আৰু ইন্ধনৰ ৮০ শতাংশই আমদানি কৰে বাহিৰৰ পৰা৷ চৰম সমস্যাত ভূগিছে ভাৰতেও৷ ৰান্ধনীশালতো পৰিছে যুদ্ধৰ প্ৰভাৱ৷ এইবাৰ সেই প্ৰভাৱ পাইছেগৈ বেডৰুম৷ কি প্ৰভাৱ পৰিছে?
এমাহ ধৰি চলা যুদ্ধৰ জোৰত এইবাৰ চাপ পৰিছে কণ্ডম প্ৰস্তুকাৰী সংস্থাসমূহৰ ওপৰত৷ যুদ্ধৰ কাৰণে ব্যয়বহুল হৈ উঠিছে কণ্ডম তৈয়াৰৰ কেঁচামাল৷ ভাৰতত প্ৰতি বছৰে প্ৰায় ৪ বিলিয়ন বা ৪০০ কোটি ইউনিয় কণ্ডম উৎপাদন কৰা হয়৷ প্ৰায় ৮ হাজাৰ কোটি টকাৰ বিৰাট শিল্প প্ৰভাৱিত হৈছে৷ যুদ্ধৰ জোৰত পেট্ৰকেমিকেল সৰবৰাহ ব্যাপকভাৱে প্ৰভাৱিত হৈছে৷ কণ্ডম তৈয়াৰৰ কেঁচামালৰ ওপৰতো প্ৰভাৱ পৰিছে৷ সেয়ে কণ্ডম উৎপাদনতো প্ৰভাৱ পৰিছে৷
কণ্ডমত লুব্ৰিকেণ্ট হিচাপে ব্যৱহাৰ কৰা হয় ছিলিকন অয়েল৷ লেটেক্স যাতে চিঙি নাযায় তাৰ বাবে দৰকাৰ হয় এমোনিয়াৰ৷ এই দুই কেঁচামালৰেই ঘাটি হৈছে৷ এমোনিয়াৰ দাম ৪০ৰ পৰা ৫০ শতাংশ বাঢ়িছে৷ ইয়াৰোপৰি এলুমিনিয়াম ফয়েলসহ অন্যান্য পেকেজিং উপকৰণৰ দামো বাঢ়িছে৷ ইয়াৰ বাবে কণ্ডম উৎপাদনত প্রভাৱ পৰিব৷ দাম বাঢ়িব পাৰে কণ্ডমৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
