কংগ্ৰেছৰ জ্যেষ্ঠ নেতা পৱন খেড়া পৰিছে বিপদত। অসমৰ মুখ্যমন্ত্ৰী হিমন্ত বিশ্ব শৰ্মাৰ পত্নী ৰিণিকি ভূঞা শৰ্মাৰ ইজিপ্তৰ ভুৱা পাছপ’ৰ্ট প্ৰস্তুত প্ৰস্তুত কৰি সমস্যাত পৰিছে। এই সমগ্ৰ ঘটনা সন্দৰ্ভত মুখ্যমন্ত্ৰীয়ে সংবাদমেল দিয়াৰ লগতে তেওঁৰ পত্নী ৰিণিকি ভূঞাই পৱন খেড়াৰ বিৰুদ্ধে ক্ৰাইম ব্ৰাঞ্চত গোচৰ দিয়ে। ইফালে ইজিপ্তৰ দূতাবাসে পাছপ’ৰ্ট FAKE বুলি ঘোষণা কৰিছে।
এই গোচৰ সন্দৰ্ভত অসম আৰক্ষীৰ এটা দলে দিল্লীত উপস্থিত হৈ খেৰাৰ দিল্লী বাসগৃহত অভিযান চলায়। দিল্লী আৰক্ষীয়েও অসম আৰক্ষীক সহায়ৰ বাবে এই অভিযানত যোগদান কৰে। অৱশ্যে সেই সময়ত পৱন খেড়া তেওঁৰ বাসগৃহত উপস্থিত নাছিল বুলি জানিব পৰা গৈছে। এতিয়া যিকোনো মুহূৰ্ততে গ্ৰেপ্তাৰ হ’ব পাৰে কংগ্ৰেছ নেতা পৱন খেড়া।
দেওবাৰে পৱন খেড়াই অসমৰ মুখ্যমন্ত্ৰী হিমন্ত বিশ্ব শৰ্মাৰ পত্নী ৰিণিকি ভূঞা শৰ্মাৰ বিৰুদ্ধে কেইবাটাও গুৰুতৰ অভিযোগ উত্থাপন কৰে। তেওঁ দাবী কৰে যে ৰিণিকিৰ হাতত তিনিখন দেশৰ পাছপ’ৰ্ট আছে, লগতে তেওঁ অভিযোগ কৰে যে ৰিণিকি ভূঞা শৰ্মাৰ ডুবাইত সম্পত্তি আছে, যিবোৰৰ কথা হিমন্ত বিশ্ব শৰ্মাই নিৰ্বাচনী শপতনামাত উল্লেখ কৰা নাছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
