শেহতীয়াকৈ লেবাননত চলি থকা ধাৰাবাহিক আক্ৰমণৰ বাবে ইজৰাইল আৰু আমেৰিকাক তীব্ৰ সমালোচনা কৰিছে মিয়া খলিফাই। তেওঁৰ এটা আৱেগিক ভিডিঅ’ ছ’চিয়েল মিডিয়াত ভাইৰেল হৈ পৰিছে, য’ত খলিফাই কয় যে, তেওঁৰ নিজৰ মাতৃভূমি ধ্বংস হোৱা দেখি বুকু বিষাই গৈছে। আমেৰিকা আৰু ইজৰাইলক ‘সন্ত্রাসবাদী আৰু ফেচিষ্ট’ দেশ বুলি অভিহিত কৰি, কয় যে তেওঁলোকৰ বিচাৰ হেগ আদালতত হ’ব লাগে৷ খলিফাই ১০ মিনিটৰ ভিতৰত ১৬০টা বিমান আক্ৰমণক অতি বেদনাদায়ক বুলি অভিহিত কৰে। য’ত যুদ্ধবিৰতিৰ সময়ত চিকিৎসালয় আৰু বিদ্যালয়সমূহক লক্ষ্য কৰি লোৱা হৈছিল।
লেবানন-আমেৰিকাৰ যুদ্ধকলৈ মিয়া খালিফৰ আৱেগিক ভিডিঅ’ ছ’চিয়েল মিডিয়াত ভাইৰেল হৈ পৰিছে। ভিডিঅ’টোত নিজৰ গৃহভূমি লেবাননত বোমা বিস্ফোৰণত বিধ্বস্ত হোৱা দেখা গৈছে। আমেৰিকা আৰু ইজৰাইল চৰকাৰক সন্ত্ৰাসবাদী ৰাষ্ট্ৰ বুলি অভিহিত কৰি তেওঁ কান্দি কান্দি সমালোচনা কৰে।
মিয়া খলিফাই কয় যে, লেবাননৰ পৰা অহা ভিডিঅ’বোৰ ইমানেই বিৰক্তিকৰ যে শব্দৰে বৰ্ণনা কৰাটো কঠিন। বিমান আক্ৰমণৰ তীব্ৰতাক লৈ ক্ষোভ প্ৰকাশ কৰি খালিফাই আমেৰিকা আৰু ইজৰাইলক কটাক্ষ কৰে। তেওঁৰ পোষ্টটোত তেওঁ লিখিছে যে, লেবাননত যি হৈ আছে সেয়া এই দুখন দেশৰ পৃষ্ঠপোষকতাত সন্ত্ৰাসবাদ। কঠোৰ শব্দ ব্যৱহাৰ কৰে খালিফাই।
শেহতীয়াকৈ সংঘটিত হোৱা আক্ৰমণৰ ভয়াবহতাক বৰ্ণনা কৰি খালিফাই কয় যে, ‘ছ’চিয়েল মিডিয়াত দেখা আটাইতকৈ কঠিন মুহূৰ্তবোৰৰ ভিতৰত এয়া অন্যতম। মোৰ কষ্টোপাৰ্জিত ধনৰ পৰা আমেৰিকাক যি কৰ দিওঁ, সেই কৰ ব্যৱহাৰ কৰি মোৰ দেশ লেবাননত বোমা বিস্ফোৰণ কৰা হৈছে।’
তেওঁ বৰ্ণনা কৰিছিল যে কেনেকৈ মাত্ৰ ১০ মিনিটতে লেবাননত ১৬০টাতকৈও অধিক বিমান আক্ৰমণ সংঘটিত হৈছিল। এই আক্ৰমণসমূহে আৱাসিক অট্টালিকা, বিদ্যালয়, চিকিৎসালয়, অসামৰিক আন্তঃগাঁথনি, আনকি কবৰস্থানকো নিৰ্মমভাৱে লক্ষ্য কৰি লৈছিল। খালিফাই বুজাই দিলে যে লোকসকলে অন্ত্যেষ্টিক্ৰিয়াত অংশগ্ৰহণ কৰি থকাৰ সময়তে বোমা বিস্ফোৰণ সংঘটিত হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
