দ্বিতীয়বাৰৰ বাবে মাতৃ হ’বলৈ ওলাইছে বলীউড অভিনেত্ৰী দীপিকা পাডুকন৷ দ্বিতীয় সন্তানৰ অপেক্ষাত আছে নায়িকাগৰাকী৷ অভিনেত্ৰীৰ এই খবৰ ভাইৰেল হোৱাৰ পাছতেই বহুজনে সামাজিক মাধ্যমত শুভেচ্ছাও জনাইছে ৰণবীৰ-দীপিকাক৷ এইবাৰ দুয়াৰ হাতত প্ৰেগনেন্সি টেষ্টৰ কিট দি বিশেষ খবৰটো শ্বেয়াৰ কৰিছে দীপিকা-ৰণবীৰে৷ তাৰ পৰাই জানিব পৰা গৈছে দ্বিতীয়বাৰৰ বাবে মাতৃ হ’বলৈ ওলাইছে দীপিকা৷ বহুতেই কৈছে যে ৪০ বছৰৰ পাছত কেনেকৈ মাতৃ হ’ব দীপিকা? কিন্তু বলীউডত এনে বহু অভিনেত্ৰী আছে যিয়ে ৪০ বছৰৰ পাছত মাতৃ হোৱাৰ সুখ লাভ কৰিছে৷
বলীউডৰ অন্যতম আলোচিত দম্পতি ভিকি কৌশল আৰু কেটৰিণা কাইফে ৯ ডিচেম্বৰ ২০২১ চনত বিবাহপাশত আৱদ্ধ হৈছিল৷ ৰাজস্থানৰ ছাৱৱাই মাধোপুৰৰ ছিক্স চেন্সেছ ফোৰ্ট বাৰোৱাদাত তেওঁলোকৰ বিবাহ হয়৷ এই বিবাহ অত্যন্ত ৰাজকীয় আছিল৷ তাৰপিছতেই ৪২ বছৰ বয়সত মাতৃও হ’ল কেটৰীণা৷ বেছি বয়সত মাতৃ হোৱাত কিছু জটিলতা তৈয়াৰ হ’ব পাৰে সেয়ে সাৱধানতাৰে এই যাত্ৰা অতিক্ৰম কৰিলে কেটৰীণাই৷
বেছি বয়সত মাতৃ হোৱা এগৰাকী অভিনেত্ৰী হৈছে বিপাশা বসু৷ বিপাশাইয়ো ৪৩ বছৰ বয়সত কন্যা সন্তানৰ জন্ম দিছে৷ ৪৩ বছৰ বয়সত সন্তান জন্ম দিয়া আন এগৰাকী অভিনেত্ৰী হৈছে ফাৰাহ খান৷ ফাৰাহ খানে ৪৩ বছৰ বয়সত আই ভি এফৰ মাধ্যমেৰে তিনিটা সন্তান জন্ম দিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
