অভিনয়ৰ উপৰিও এক মন্তব্যৰ বাবে সংবাদ শিৰোনাম দখল কৰিছে অন্নু কাপুৰে। কিছুদিন পূৰ্বে এটা প’ডকাষ্টত তেওঁ তমান্মা ভাটিয়াৰ সৌন্দৰ্যৰ বৰ্ণনা কৰি ‘গাখীৰৰ দৰে শৰীৰ’ বাক্যাংশ ব্যৱহাৰ কৰিছিল। যদিও দক্ষিণ ভাৰতত তামান্মাক ‘গাখীৰৰ দৰে সৌন্দৰ্য’ বুলি কোৱা হয়, তথাপিও অভিনেত্ৰীগৰাকীয়ে নিজেই এই বাক্যশাৰী একেবাৰেই ভাল পোৱা নাছিল। স্বাভাৱিকতে অন্নুৰ এই মন্তব্যক নেটত বহুলভাৱে সমালোচনা কৰা হৈছিল, ইয়াক ‘যৌনতা সূচক’ বুলি অভিহিত কৰিছিল।
তেওঁৰ মন্তব্যৰ পক্ষ লওঁতে অন্নু কাপুৰে কয় যে, তেওঁৰ কথাৰ ভুল ব্যাখ্যা কৰা হৈছে। তেওঁৰ ভাষাত, “আচলতে সমস্যাটো ভাষাটোৱেই। ইংৰাজীতো একেখিনি কথা কোৱা হ’লে হয়তো ইমান বেয়া যেন নালাগিলহেঁতেন। হিন্দীত কোৱাৰ বাবেই বিষয়টোক বেলেগ ধৰণেৰে চোৱা হৈছে।” তেওঁ দাবী কৰিছিল যে তেওঁ তামান্নাৰ নৃত্য আৰু চেহেৰাক অতি নিৰ্মল হৃদয়েৰে প্ৰশংসা কৰিছিল।
কেৱল তেওঁৰ চেহেৰাৰ কথা কোৱাই বিতৰ্ক আৰম্ভ হোৱা নাছিল, তামন্নাৰ এটা পুৰণি মন্তব্যৰ ওপৰতো ইছ্যু কৰিছিল অন্নুৱে। তামান্নাই কৈছিল যে, তেওঁৰ জনপ্ৰিয় গীতবোৰ শুনি শিশুৱেও শান্ত হৈ টোপনি যায়। অন্নুৱে সেই সময়ত কটুভাৱে কৈছিল, “৭০ বছৰীয়া ল’ৰা-ছোৱালীয়েও এনে গান শুনি শুই যাব পাৰে!” অভিনেত্ৰীগৰাকীয়ে এই কটু উক্তি ভালকৈ লোৱা নাছিল অন্নুৱে। অৱশ্যে এইবাৰ অন্নুৱে সুৰটো কোমল কৰি ক’লে, “মোৰ কথাত যদি তামন্নাই বিচলিত হয়, তেন্তে মই তেওঁৰ ভৰিত ধৰি ক্ষমা খুজিবলৈ কুণ্ঠাবোধ নকৰো। মই চাব বিচাৰো যে কোনোবা ৭১ বছৰীয়া ব্যক্তিয়ে তেওঁৰ ওচৰত ক্ষমা খুজিছে নেকি!”
বৰ্তমান তমন্নাই আইটেম ডান্সৰ লগতে অভিনয়েৰে জনপ্ৰিয় হৈছে। ‘ষ্ট্ৰী ২’ৰ ‘আজ কি ৰাত’ হওক বা ৱেব ছিৰিজৰ ‘গাফুৰ’ – তেওঁৰ নৃত্যৰ খোজ আঠৰ পৰা আশীলৈ। আকাশলংঘী জনপ্ৰিয়তা স্বীকাৰ কৰাৰ পিছতো অন্নু কাপুৰে ‘ক্ষমা-প্ৰাৰ্থনা’ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
