প্ৰতিগৰাকী হিন্দুৰ ঘৰত পুৱা-গধুলি পূজা কৰা হয়। যিকোনো পূজাত দেৱ-দেৱীক অৰ্পন কৰিবলৈ ফুল ব্যৱহাৰ হয়। ভগৱানৰ বাবে সতেজ ফুল ছিঙিলে মনলৈ অপৰিসীম শান্তি লাগে। এই ফুল বেছিভাগেই পানীৰে ধুই অৰ্পন কৰে। কিন্তু এয়া উচিত নে অনুচিত?
পূজাৰ বাবে ব্যৱহাৰ কৰা ফুল কেতিয়াও পানীৰে ধুব নালাগে। ইয়াৰ আঁৰত ধৰ্মীয় বিশ্বাস জড়িত হৈ আছে। কিয়নো পানীত বৰুণ দেৱতা বাস কৰে বুলি তোৱা হয়। গতিকে ফুল পানীৰে ধুই তাৰ পিছত ভগৱানক অৰ্পণ কৰাটো শাস্ত্ৰ অনুযায়ী উপযুক্ত নহয়। ফুলৰ ওপৰত অলপ ধূলি থাকিলেও পানীৰে ধোৱাৰ সলনি হাতেৰে লাহে লাহে মচি দিব লাগে।
তুলসী আৰু দুৱৰিৰ ক্ষেত্ৰতো একে নিয়ম
এই নিয়ম কেৱল ফুলৰ ক্ষেত্ৰতে প্ৰযোজ্য নহয়, ভগৱান গণেশৰ প্ৰিয় দুৱৰি আৰু ভগৱান বিষ্ণুৰ প্ৰিয় তুলসীৰ ক্ষেত্ৰতো প্ৰযোজ্য। মানুহে প্ৰায়ে বাল্টি বা পাত্ৰত পানীত ধুই তাৰ পিছত পোনপটীয়াকৈ শিৱলিংগ বা আন মূৰ্তিলৈ আগবঢ়ায়, যিটো সম্পূৰ্ণ ভুল। তুলসীৰ পাত ভগৱান শালাগ্ৰাম বা আন দেৱতাক অৰ্পণ কৰাৰ আগতে ধুব নালাগে। অৱশ্যে যদি আপুনি প্ৰসাদত মিহলি বা সেৱনৰ বাবে তুলসী ব্যৱহাৰ কৰি আছে, তেন্তে নিশ্চিতভাৱে ধুব পাৰে।
ফুল ছিঙাৰ সঠিক সময় আৰু পদ্ধতি
ইয়াৰ আঁৰত ধৰ্মীয় বিশ্বাসৰ লগতে বৈজ্ঞানিক কাৰণো আছে। ৰাতি কেতিয়াও ফুল ছিঙিব নালাগে, কিয়নো গছ-গছনিয়ে ৰাতি জিৰণি লয় বুলি বিশ্বাস কৰা হয়। ব্ৰহ্ম মুহূৰ্তত বা পুৱাৰ ভাগত ফুল ছিঙাৰ বাবে আটাইতকৈ শুভ সময় বুলি গণ্য কৰা হয়। এই সময়ত ছিঙি লোৱা ফুলবোৰ কেৱল সতেজ হোৱাই নহয়, ইয়াৰ ধনাত্মক শক্তিও সৰ্বাধিক।
ফুলক সন্মান আৰু যত্ন লোৱা:
মানুহে প্ৰায়ে গছৰ পৰা ফুল ছিঙি পকেটত ভৰাই থয় বা ৰুমালত মেৰিয়াই লয়, কিন্তু শাস্ত্ৰত এইটো নিষিদ্ধ। ফুলক সদায় সন্মানেৰে ব্যৱহাৰ কৰি পৰিষ্কাৰ প্লেট বা টোপোলাত ৰাখিব লাগে। পূজা আমাৰ আৱেগ আৰু পবিত্ৰতাৰ সৈতে পোনপটীয়াকৈ জড়িত। গতিকে পবিত্ৰ স্থানৰ পৰা ফুল ছিঙি সম্পূৰ্ণ ভক্তিৰে, ধুই নোচোৱাকৈ, ঈশ্বৰক উৎসৰ্গা কৰাটো নিশ্চিত কৰক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
