পোষ্ট অফিচৰ ৰেকাৰিং ডিপোজিট স্কিম এক অত্যন্ত নিৰ্ভৰযোগ্য বিনিয়োগ বিকল্প৷ যি বিশেষভাৱে সৰু আৰু মধ্যবিত্ত মানুহৰ কথা মূৰত ৰাখিয়েই তৈয়াৰ কৰা হৈছে৷ ইয়াত আপুনি যি ধন জমা কৰে তাৰ ওপৰত চৰকাৰৰ গেৰেণ্টি থাকে৷ ফলত বিনিয়োগ সম্পূৰ্ণ নিৰাপদ থাকে৷ বজাৰৰ ওঠানমাত লৈয়ো কোনো চিন্তা অবিহনেই ইয়াত বিনিয়োগ কৰিব পাৰি৷ এক নিৰ্দিষ্ট সময়ৰ পাছত সহজেই এক বৃহৎ অংকৰ ফাণ্ড তৈয়াৰ কৰা সম্ভৱ৷
সাধাৰণতে পোষ্ট অফিচ RDৰ ম্যাদ ৫বছৰ বা ৬০ মাহ৷ আপুনি বিচাৰিলে ৫ বছৰৰ পাছতো এই সঞ্চয় চলাই যাব পাৰে৷ এইক্ষেত্ৰত সংশ্লিষ্ট ডাকঘৰত আবেদন কৰি আৰু ৫বছৰৰ বাবে ইয়াক বঢ়াব পাৰি৷ ইয়াৰ ফলত দীৰ্ঘ সময় ধৰি চক্ৰবৃদ্ধি সুদৰ সুবিধা পোৱা যায়৷
২০২৬ চনৰ এপ্ৰিল-জুন ত্ৰিমাহিকৰ বাবে পোষ্ট অফিচ RD ত বাৰ্ষিক ৬.৭ শতাংশ হাৰত সুদ দিয়া হৈছে৷ সকলোতকৈ গুৰুত্বপূৰ্ণ বিষয় হৈছে এই সুদ তিনিমাহৰ ভিত্তিত চক্ৰবৃদ্ধি কৰা হয়৷ যাৰ ফলত সুদৰ টকা মূলধনৰ সৈতে যুক্ত হৈ থাকে আৰু আপোনাৰ সঞ্চয় দ্ৰুত বাঢ়ে৷ আপুনি নিজৰ সামৰ্থ্য অনুসৰি ৫০০ টকা, ১০০০ টকা বা ১০,০০০ টকা মাহিলী বিনিয়োগ বাচি ল’ব পাৰে৷ আৰু ৫ বছৰ ধৰি নিয়মিত জমা কৰি ভৱিষ্যতৰ লক্ষ্য পূৰণ কৰিব পাৰে৷ যদি আপুনি প্ৰতিমাহে ১০,০০০ টকাকৈ জমা কৰে তেতিয়া ৫ বছৰৰ পাছত প্ৰাপ্ত টকাৰ পৰিমাণে আপোনাক অবাক কৰি তুলিব৷
৫ বছৰত আপোনাৰ মুঠ জমা হ’ব ৬০০,০০০ টকা৷ ইয়াৰ ওপৰত পোষ্ট অফিচে প্ৰায় ১,১৩,৬৫৯ টকা সুদ দিব৷ ফলত ৬০ মাহৰ শেষত আপুনি মুঠ ৭,১৩,৬৫৯ টকা পাব৷ এটা সৰু সঞ্চয়ৰ পৰাই বৃহৎ ফাণ্ড তৈয়াৰ কৰিব পাৰে৷ পোষ্ট অফিচ RD ত ঋণৰ সুবিধাও আছে৷ আপুনি যদি এবছৰ নিয়মিত ধন জমা কৰে তেতিয়া মুঠ জমাৰ প্ৰায় ৫০ শতাংশ পৰ্যন্ত ঋণ লব পাৰে৷ চিকিৎসা, জৰুৰী বা ব্যক্তিগত প্ৰয়োজনত এই ঋণ খুবেই কামত আহিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
