Women Empowerment: পুৰুষ প্ৰধান খেলপথাৰত নাৰীৰ ৰাজত্ব! বহু কষ্টৰ পিছত এগৰাকী অসমীয়া ফটো সাংবাদিকে কিদৰে তৃতীয় পুৰুষৰ ফিফা বিশ্বকাপৰ ফটো সাংবাদিক হিচাপে গৈছে জানো আহক…
পুৰুষতান্ত্ৰিক সমাজৰ সকলো বাধাৰ নেওচি আগুৱাই গৈছে অসম জীয়ৰী গীতিকা তালুকডাৰে। নাৰী শক্তিৰ এই ৰূপে সকলোৰে প্ৰশংসা বুটলিবলৈ সক্ষম হৈছে গীতিকাই। তেওঁ বিশ্বকাপ ফুটবলৰ লগত জড়িত একমাত্ৰ ভাৰতীয় মহিলা। ২০২৬ চনৰ ফিফা বিশ্বকাপৰ বাবে স্বীকৃতিপ্ৰাপ্ত একমাত্ৰ ভাৰতীয় মহিলা ফটো সাংবাদিক।
অৰুণাচল প্ৰদেশত জন্মগ্ৰহণ কৰা গীতিকা তালুকদাৰে ক্ৰীড়া আৰু ফটোগ্ৰাফীৰ প্ৰতি প্ৰবল আগ্ৰহেৰে ডাঙৰ-দীঘল হৈছিল। অসমৰ পৰা ক্ৰমান্বয়ে ক্ৰীড়া ফটো সাংবাদিকতাৰ কঠিন আৰু ভ্ৰমণ-গধুৰ জগতখনত নিজৰ কেৰিয়াৰ গঢ়ি তুলিছিল, য’ত বছৰ বছৰ ধৰি কঠোৰ পৰিশ্ৰম, বিশ্বাসযোগ্যতা আৰু স্বীকৃতিৰ প্ৰয়োজন হয় বৃহৎ প্ৰতিযোগিতাত প্ৰৱেশ কৰিবলৈ। গীতিকা তালুকদাৰে পিতৃৰ বদলিৰ বাবে ভাৰতৰ বিভিন্ন চহৰত ডাঙৰ-দীঘল হৈছিল। কেন্দ্ৰীয় বিদ্যালয়ত অধ্যয়ন কৰি অৱশেষত ক্ৰীড়া সাংবাদিকতা আৰু ফটোগ্ৰাফীত নিজৰ কেৰিয়াৰ গঢ়ি তুলিছিল তেওঁ। পিছলৈ দক্ষিণ কোৰিয়াৰ ছিউল নেচনেল ইউনিভাৰ্চিটিত ক্ৰীড়া আৰু সংস্কৃতি মন্ত্ৰালয়ে প্ৰদান কৰা বৃত্তিত গ্ল’বেল স্প’ৰ্টছ মেনেজমেণ্টৰ শিক্ষা গ্ৰহণ কৰে। ২০২৬ চনত ফিফা বিশ্বকাপৰ ফটো সংগ্ৰহ কৰিবলৈ স্বীকৃতি লাভ কৰা একমাত্ৰ ভাৰতীয় মহিলা ফটো সাংবাদিক হিচাপে পৰিগণিত হয়।
ফিফাৰ সৈতে তেওঁৰ যাত্ৰা দীঘলীয়া আৰু ধাৰাবাহিক। ২০২৬ চনত আমেৰিকা, কানাডা আৰু মেক্সিকোৰ উদ্যোগত ৰাছিয়া ২০১৮ আৰু কাটাৰ ২০২২ৰ পিছত একেৰাহে তৃতীয়বাৰ পুৰুষৰ বিশ্বকাপত যোৱাৰ সুযোগ পাইছে। ২০১৯ চনত ফ্ৰান্সত অনুষ্ঠিত হোৱা মহিলা বিশ্বকাপ আৰু ২০২৩ চনৰ অষ্ট্ৰেলিয়া-নিউজিলেণ্ড সংস্কৰণৰ বাতৰি পৰিৱেশন কৰি তেওঁ বাৰে বাৰে প্ৰৱেশৰ সুযোগ পোৱা কেইজনমান ভাৰতীয় ক্ৰীড়া ফটো সাংবাদিকৰ ভিতৰত অন্যতম।
প্ৰায় দুটা দশক ধৰি গীতিকাই কেইবাটাও ডাঙৰ আন্তঃৰাষ্ট্ৰীয় ক্ৰীড়া অনুষ্ঠানৰ বাতৰি পৰিৱেশন কৰি আহিছে। তেওঁৰ কামৰ ভিতৰত আছে টকিঅ’ অলিম্পিক, পেৰিছ অলিম্পিক, একাধিক আইচিচি প্ৰতিযোগিতা, কমনৱেলথ গেমছ আৰু বিভিন্ন ফিফাৰ এচাইনমেণ্ট।
গীতিকা তালুকদাৰৰ এই পথ কেতিয়াও সহজ হোৱা নাছিল। আত্মীয়ই মাতৃক ক্ৰীড়া সাংবাদিকতাৰ বিপদৰ বিষয়ে সকীয়াই দিছিল। বহুতে মুকলিকৈ প্ৰশ্ন উত্থাপন কৰিছিল যে মহিলা হৈ খেলপথাৰত থাকিব লাগে নেকি? তথাপিও নিয়মিতভাৱে বিশ্বৰ ষ্টেডিয়াম আৰু ক্ৰীড়া অনুষ্ঠানত উপস্থিত হ’বলৈ সক্ষম হৈছে।
(এই প্ৰতিবেদন যুগুতাইছে বৰষা মিশ্ৰই)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
