আয়ুষ্মান কাৰ্ড বনোৱাটো এতিয়া সহজ। চৰকাৰী কাৰ্যালয়লৈ নোযোৱাকৈ হোৱাটছএপৰ জৰিয়তে ঘৰৰ পৰাই আয়ুষ্মান কাৰ্ডৰ আবেদন কৰিব পাৰিব। কেন্দ্ৰীয় চৰকাৰে আৰম্ভ কৰিছে এক সেৱা, যাৰ নাম আয়ুষ্মান সাৰথি দিয়া হৈছে। আচলতে ই এটা বিশেষ WhatsApp Chatbot। ইয়াৰ জৰিয়তে আপুনি সহজেই আয়ুষ্মান কাৰ্ডৰ বাবে আবেদন কৰিব পাৰিব।
ৰাষ্ট্ৰীয় স্বাস্থ্য কৰ্তৃপক্ষই এই চেটবট প্ৰস্তুত কৰিছে। পিএম-জেই ডিজিটেল ব্যৱস্থাৰ সৈতে এপিআই ভিত্তিক সংহতিৰ জৰিয়তে হোৱাটছএপত এই সেৱা আৰম্ভ কৰিছে। ইয়াৰ জৰিয়তে ২৪ ঘণ্টাই বাস্তৱ সময়ত বিভিন্ন সেৱা উপলব্ধ হ’ব।
WhatsApp ত কি কি সেৱা উপলব্ধ?
স্বাস্থ্য মন্ত্ৰালয়ৰ তথ্য অনুসৰি ‘আয়ুষ্মান সাৰথি’ৰ জৰিয়তে হিতাধিকাৰীসকলে যোগ্যতা পৰীক্ষণৰ পৰা ই-কেৱাইচি সম্পূৰ্ণ কৰিব পাৰিব। কি কি সুবিধা লাভ কৰিব জানি লওক…
- আপুনি PM-JAY ৰ বাবে আপোনাৰ যোগ্যতা পৰীক্ষা কৰিব পাৰে।
- আয়ুষ্মান কাৰ্ডৰ বাবে আবেদন কৰিব পাৰিব।
- ই-কেৱাইচি সম্পূৰ্ণ কৰিব পাৰিব।
- আধাৰ লিংক কৰিব পাৰে।
- আয়ুষ্মান কাৰ্ড ডাউনলোড কৰিব পাৰিব।
- আপুনি PM-JAY কাৰ্ড লক বা আনলক কৰিব পাৰে।
- ৭০ বছৰ আৰু তাৰ ওপৰৰ সকলেও লাভ কৰিব বন্দনা কাৰ্ড সম্পৰ্কীয় সেৱা।
ইয়াৰ উপৰিও নিজৰ মেডিকেল হিষ্ট্ৰি, ৱালেট বেলেঞ্চ, ওচৰৰ তালিকাভুক্ত চিকিৎসালয় বিচাৰি উলিওৱা, অভিযোগ দাখিল কৰা, অভিযোগৰ অগ্ৰগতি চাব পৰা, অভিযোগ প্ৰত্যাহাৰ কৰা, কল-বেকৰ অনুৰোধ কৰা, চিকিৎসালয়ৰ পৰা ডিচচাৰ্জ হোৱাৰ পিছত মতামত দিয়াৰ সুবিধা থাকিব।
স্বাস্থ্য মন্ত্ৰালয়ে দাবী কৰিছে যে এই সেৱাই চৰকাৰী কাৰ্যালয়লৈ যোৱা বা কল চেণ্টাৰৰ ওপৰত নিৰ্ভৰশীলতাৰ প্ৰয়োজনীয়তা বহু পৰিমাণে হ্ৰাস কৰিব। একে সময়তে ই দ্ৰুত সেৱা, স্বচ্ছতা, আৰু অভিযোগ নিৰাময়ৰ বাবেও ব্যৱস্থাটো শক্তিশালী কৰিব।
WhatsApp ত আয়ুষ্মান কাৰ্ড কেনেকৈ বনাব?
- প্ৰথমে ৭২৯০৮২৩৮৩৮ নম্বৰটো মোবাইলত চেভ কৰক।
- তাৰ পিছত সেই নম্বৰত Hi বুলি WhatsApp মেছেজ পঠিয়াব লাগিব।
- চেটবটৰ পৰা একাধিক বিকল্প ওলাব। তাৰ পৰা ‘আয়ুষ্মান কাৰ্ড তৈয়াৰ কৰক’ নিৰ্বাচন কৰক।
- মোবাইল নম্বৰ আৰু আধাৰ নম্বৰকে ধৰি প্ৰয়োজনীয় তথ্য প্ৰদান কৰক।
- অ’টিপিৰ সৈতে পৰীক্ষা কৰক আৰু ই-কেৱাইচি সম্পূৰ্ণ কৰক।
- প্ৰক্ৰিয়াটো সম্পূৰ্ণ হ’লে আপোনাৰ আয়ুষ্মান কাৰ্ড তৈয়াৰ হ’ব।
- একেটা চেটবটৰ পৰাও কাৰ্ডখন ডাউনলোড কৰিব পাৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
