শিৱসাগৰ আৰু চৰাইদেউৰ সংহাৰী বানৰ পিছতে স্বতস্ফূৰ্তভাৱে অসমৰ ইমূৰৰ পৰা সিমূৰলৈ বহু লোকে বিভিন্ন সাহায্য সামগ্ৰী লৈ বন্যাৰ্তলৈ সহায়ৰ হাত আগবঢ়াইছে। কেৱল অসমৰ লোকেই নহয়, দেশৰ বিভিন্ন প্ৰান্তৰ উদ্যোগপতিকে ধৰি, অভিনেতা-অভিনেত্ৰী, ইনফ্লুৱেঞ্চাৰ, বিভিন্ন NGO-য়ো শিৱসাগৰলৈ ঢাপলি মেলিছে।
বান সাহায্য আগবঢ়োৱা লোকেৰে এতিয়াও শিৱসাগৰ ভৰি আছে। বিভিন্ন সামগ্ৰীৰ উপৰিও অসংখ্য লোকক শ্ৰমদান, গৃহ নিৰ্মাণকে ধৰি বিভিন্ন প্ৰকাৰে সহায়ৰ হাত আগবঢ়োৱা দেখা গৈছে। এনে সময়তে শিৱসাগৰৰ ৰুদ্ৰসাগৰ পঞ্চায়তৰ এটা ঘটনাত ক্ষুব্ধ হৈ পৰিছে বানাক্ৰান্ত ৰাইজ।
বনাক্ৰান্ত ৰাইজৰ অভিযোগ অনুসৰি শিৱসাগৰৰ ৰুদ্ৰসাগৰৰ পঞ্চায়তৰ ১০ নং ৱাৰ্ডৰ মেম্বাৰৰ গৰেজত বুজন পৰিমাণৰ চৰকাৰী বান সাহায্য সামগ্ৰী উদ্ধাৰ কৰা হৈছে। ৰুদ্ৰসাগৰ পঞ্চায়তৰ ১০ নং ৱাৰ্ডৰৰ মেম্বাৰ পাৰ্থপ্ৰতিম বৰাৰ গেৰেজৰ পৰা উদ্ধাৰ হৈছে বুজন পৰিমাণৰ ‘বালক’ মিঠাতেলৰ লগতে ‘লাকী’ নামৰ নিমখৰ পেকেট। গেৰেজটোত চৰকাৰী বান সাহায্য এনেকৈ অবৈধভাৱে মজুত কৰি ৰখাক কেন্দ্ৰ কৰি ৱাৰ্ড মেম্বাৰজনৰ সৈতে বন্যাৰ্তসকলৰ তীব্ৰ বাক বিতাণ্ডা হোৱা দেখা যায়
দমে দমে বানাক্ৰান্তলৈ চৰকাৰৰ পৰা দিয়া বস্তাই বস্তাই বান সাহায্য এনেকৈ অবৈধভাৱে মজুত কৰি ৰখা কাৰ্যক লৈ ক্ষুব্ধ বন্যাৰ্তই অভিযুক্ত প্ৰাৰ্থপ্ৰতিম বৰাৰ বিৰুদ্ধে তাৎক্ষণিকভাৱে অভিযোগ দিয়ে। বন্যাৰ্তৰ অভিযোগৰ ভিত্তিতে আৰক্ষীয়ে ইতিমধ্যে অভিযুক্ত ৱাৰ্ড মেম্বাৰ পাৰ্থপ্ৰতিম বৰাক গ্ৰেপ্তাৰ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
