ভোজপুৰী চলচ্চিত্ৰ উদ্যোগৰ কেইবাগৰাকীও তাৰকাক লৈ আয়োজন কৰা এটা ব্যতিক্ৰমী ৰিয়েলিটি শ্ব’ত যোগদান কৰিছে অভিনেত্ৰী কাজল ৰাঘৱানীয়ে। অভিনেত্ৰীগৰাকীয়ে শ্ব’টোত যোগদান কৰাৰ পিছৰে পৰা শিৰোনাম দখল কৰি আহিছে। কিছুদিন পূৰ্বে আম্ৰাপালী আৰু নিৰহুৱাক লৈ কিছু চাঞ্চল্যকৰ মন্তব্য কৰিছিল কাজলে। এইবাৰ পিছে ব্যক্তিগত জীৱনৰ বিষয়ে এটা মন্তব্য কৰি চৰ্চালৈ আহিছে কাজল।
“ভোজপুৰী বাৱাল” নামৰ শ্ব’টোৰ শেহতীয়া PROMOত কাজল ৰাঘৱানীয়ে প্ৰকাশ কৰিছে যে তেওঁ কিছুদিন পূৰ্বে মনোৰোগ বিশেষজ্ঞৰ ওচৰলৈ যাব বিচাৰিছিল কাৰণ তেওঁ সম্পূৰ্ণ নিঃসংগ অনুভৱ কৰিছিল। শ্ব’টোত এই নিঃসংগতাৰ প্ৰসংগৰে কাজল ৰাঘৱানীয়ে এইদৰে কয়-“মই ৫ বছৰ ধৰি এটা ৰিলেচনত আছিলো। মোৰ এজন বিৱাহিত পুৰুষৰ লগত মোৰ প্ৰেমৰ সম্পৰ্ক আছিল।” কাজল ৰাঘৱানীয়ে লগতে কয়, “সেই বিৱাহিত পুৰুষজনৰ লগত এতিয়াও এগৰাকী অভিনেত্ৰী আছে।” অতীতৰ সম্পৰ্কত কাজল ৰাঘৱানীয়ে কাৰ কথা উল্লেখ কৰিছিল সেয়া শ্ব’টোতৰ পৰৱৰ্তী খণ্ডতহে প্ৰকাশ পাব।
উল্লেখ্য যে এসময়ত কাজল ৰাঘৱানীৰ সৈতে খেছাৰী লাল যাদৱৰ সম্পৰ্ক আছিল আৰু তেওঁলোকৰ সম্পৰ্কৰ উৰাবাতৰি ওলাইছিল। পাঁচ বছৰ ধৰি দুয়োৰে সম্পৰ্ক থকা বুলি জানিব পৰা গৈছে। কাজল ৰাঘৱানীয়ে এক সাক্ষাৎকাৰত এই সন্দৰ্ভত মুকলিকৈ কৈছে। তেওঁলোকৰ অন-স্ক্ৰীণ যুটিয়ে কেইবাখনো ছুপাৰহিট ভোজপুৰী ছবি দৰ্শকক উপহাৰ দিছিল।
উল্লেখ্য যে jio hotstarত চলি থকা ‘ভোজপুৰী বাৱাল’ নামৰ ৰিয়েলিটী শ্ব’টোত অংশগ্ৰহণ কৰিছে ভোজপুৰী চলচ্চিত্ৰ উদ্যোগৰ পৱন সিং, নিৰহুৱা, আম্ৰপালী ডুবে, কাজল ৰাঘৱানী, তেজ প্ৰতাপ যাদৱৰ দৰে তাৰকাই। সম্পূৰ্ণ নতুন আৰু ব্যতিক্ৰমী আৰ্হিত প্ৰযোজনা কৰা হৈছে এই ৰিয়েলিটী শ্ব’টো।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
