অক্টোবৰৰ আৰম্ভণিৰ পৰা কেইবাটাও নিয়ম সলনি হৈছে। কিছুমান পৰিৱৰ্তনে আপোনাৰ পকেটত প্ৰত্যক্ষভাৱে প্ৰভাৱ পেলাব পাৰে, আনহাতে আন কিছুমানে সুবিধা প্ৰদান কৰিব পাৰে। এছ বি আইৰ এ টি এমৰ পৰা আৰম্ভ কৰি বৃহৎ বেংকৰ এফ ডি, এন পি এছ বা এল পি জিৰ ৰাজসাহায্য… কেইবাটাও ক্ষেত্ৰত নতুন নিয়ম কাৰ্যকৰী হ’বলৈ গৈ আছে। আনহাতে, ১৫ অক্টোবৰৰ পৰা কিছুমান ইউপিআই ব্যৱসায়ী লেনদেনত এমডিআৰ প্ৰৱৰ্তন কৰাৰ কথা আছে।গতিকে অক্টোবৰৰ আৰম্ভণিৰ আগতেই জানি লওক কোনবোৰ পাঁচটা ক্ষেত্ৰ সলনি কৰা হৈছে।
এছ বি আইৰ এ টি এমৰ পৰা ধন উলিওৱাৰ নিয়মৰ পৰিৱৰ্তন
যদি আপোনাৰ এছ বি আইৰ দৰমহা পেকেজ একাউণ্ট আছে আৰু আন বেংকৰ এ টি এমৰ পৰা ধন উলিয়ায় তেন্তে এই পৰিৱৰ্তনৰ বিষয়ে জনাটো গুৰুত্বপূৰ্ণ। ১ অক্টোবৰৰ পৰা আন বেংকৰ এটিএম আৰু এডিডব্লিউএমত বিনামূলীয়া লেনদেনৰ সংখ্যা হ্ৰাস পাবলৈ গৈ আছে।
বৃহৎ এফ ডিৰ সুতৰ বাবে নতুন নিয়ম
বেংকত ডাঙৰ ডাঙৰ ফিক্সড ডিপজিট আছে নেকি? অক্টোবৰৰ পৰা সেই গোচৰতো নতুন নিয়ম কাৰ্যকৰী হৈছে। আৰ বি আইৰ নতুন নিয়ম অনুসৰি বেংকসমূহে বাল্ক ডিপ’জিটৰ সুতৰ হাৰ আগতীয়াকৈ প্ৰকাশ কৰিব লাগিব। কেৱল সেয়াই নহয়, প্ৰতিদিনে পুৱা ১০ বজাৰ ভিতৰত প্ৰযোজ্য বাল্ক ডিপ’জিটৰ হাৰ ঘোষণা কৰিব লাগিব।
ইউপিআই পেমেণ্টত এমডিআৰ
২০০০ টকা ইউপিআইৰ লেনদেনতো ডাঙৰ পৰিৱৰ্তন আহি আছে। ১৫ অক্টোবৰৰ পৰা ২০০০ টকাৰ ওপৰৰ কিছুমান ইউপিআই লেনদেনৰ বাবে এমডিআৰ প্ৰযোজ্য হোৱাৰ সম্ভাৱনা আছে। অৱশ্যে শূন্য এমডিআৰ ব্যৱস্থাৰ অধীনত ২০০০ টকা পৰ্যন্ত ধন পৰিশোধ আৰু ক্ষুদ্ৰ ব্যৱসায়ীৰ লেনদেনৰ ক্ষেত্ৰত এই চাৰ্জ প্ৰযোজ্য নহ’ব।
এল পি জি ৰাজসাহায্যৰ বাবে আধাৰ
ৰন্ধন গেছৰ গ্ৰাহকসকলেও অক্টোবৰৰ আগতে সম্পূৰ্ণ কৰিবলগীয়া এটা গুৰুত্বপূৰ্ণ কাম আছে। যিসকল ঘৰুৱা এল পি জি গ্ৰাহকে এতিয়াও বায়’মেট্ৰিক আধাৰ প্ৰমাণীকৰণ সম্পূৰ্ণ কৰা নাই তেওঁলোকে ১ অক্টোবৰৰ পূৰ্বে এই প্ৰক্ৰিয়া সম্পূৰ্ণ কৰিব লাগিব।আধাৰ প্ৰমাণীকৰণ সম্পূৰ্ণ নকৰিলে ৰাজসাহায্যযুক্ত এল পি জি পুনৰ ভৰোৱাৰ সুবিধাত প্ৰভাৱ পৰিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
