গুৱাহাটীৰ বৰ্ষাপাৰা ক্ৰিকেট ষ্টেডিয়ামত আজি ভাৰত আৰু ৱেষ্ট ইণ্ডিজৰ মাজত অনুষ্ঠিত হৈছে এদিনীয়া আন্তঃৰাষ্ট্ৰীয় মেচ। মেচখনক কেন্দ্ৰ কৰি পুৱাৰে পৰা ষ্টেডিয়ামত ক্ৰিকেটপ্ৰেমীৰ মাজত দেখা গৈছে ব্যাপক উৎসাহ। ইয়াৰ মাজতে টছৰ পূৰ্বে ভাৰতীয় ক্ৰিকেটৰ প্ৰাক্তন তাৰকা তথা কমেণ্টৰ ৰবি শাস্ত্ৰীৰ মুখত শুনিবলৈ পোৱা গ’ল ‘জয় আই অসম’ আৰু ‘জয় জুবিন’ ধ্বনি।
টছৰ পূৰ্বে ষ্টেডিয়ামৰ পৰিৱেশত অসমৰ সংস্কৃতি আৰু সংগীতৰ প্ৰভাৱো স্পষ্ট হৈ পৰে। ৰবি শাস্ত্ৰীয়ে ‘জয় জুবিন’ ধ্বনি দিয়াৰ পিছত উপস্থিত দৰ্শকৰ মাজত বিশেষ আবেগিক পৰিৱেশ সৃষ্টি হয়।
জুবিন গাৰ্গক স্মৰণ কৰি আবেগিক অসম
জুবিন গাৰ্গৰ মৃত্যুৰ পিছত সমগ্ৰ অসমতে এতিয়াও শোকৰ পৰিৱেশ অব্যাহত আছে। এনে সময়তে গুৱাহাটীৰ মাটিত অনুষ্ঠিত আন্তঃৰাষ্ট্ৰীয় ক্ৰিকেট মেচৰ সৈতে জুবিনৰ নাম উচ্চাৰিত হোৱাই অনুৰাগীসকলৰ মাজত বিশেষ অনুভূতিৰ সৃষ্টি কৰে।
বৰ্ষাপাৰা ষ্টেডিয়ামত উপস্থিত হাজাৰ হাজাৰ দৰ্শকে ৰবি শাস্ত্ৰীৰ এই ধ্বনিৰ প্ৰতি উৎসাহেৰে সঁহাৰি জনায়। ক্ৰিকেটৰ উত্তেজনাৰ মাজতে অসমৰ মাটি আৰু সংস্কৃতিৰ প্ৰতি এই সন্মানে ষ্টেডিয়ামৰ পৰিৱেশ অধিক আবেগিক কৰি তোলে।
টছৰ পূৰ্বেই উৎসৱমুখৰ বৰ্ষাপাৰা
ভাৰত-ৱেষ্ট ইণ্ডিজৰ মেচক কেন্দ্ৰ কৰি আজি পুৱাৰে পৰা বৰ্ষাপাৰা ষ্টেডিয়ামৰ চৌহদত ক্ৰিকেট অনুৰাগীৰ ভিৰ দেখা যায়। ভাৰতীয় দলৰ তাৰকা ক্ৰিকেটাৰসকলক ওচৰৰ পৰা চাবলৈ অনুৰাগীসকল যথেষ্ট উৎসাহিত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
