চীন-ভাৰতৰ যুদ্ধৰ বাবে আধৰুৱা হৈ ৰোৱা এটা প্ৰেম কাহিনী, বিফল প্ৰেমে বনাই দিলে উল্লেখনীয় উদ্যোগপতি
আমেৰিকাৰ কলেজত পঢ়ি থকা সময়ৰ এক প্ৰেম কাহিনী। যুৱক ভাৰতৰ, যুৱতী আমেৰিকাৰ। দুয়োৰে জীৱনৰ প্ৰথম প্ৰেম আছিল সেয়া। বিবাহ পাশত আৱদ্ধ হোৱাৰো কথা আছিল দুয়োৰে।
পাছে ভাগ্যত নিয়তিয়ে লিখি থৈছিল অন্য কাহিনী। আইতাকৰ বেমাৰৰ বাবে ভাৰতলৈ হঠাতে আহিবলগীয়া হয় যুৱক। যুৱতীয়ো তাৰেই পাছত ভাৰতলৈ অহাৰ কথা। ভাৰতলৈ আহিলেই দুয়ো চিৰ জীৱনৰ বাবে এক হৈ যাব।
পাছে হেন সময়তে ভাৰত আৰু চীনৰ যুদ্ধ আৰম্ভ হয়। বহু দেশেই ভাৰতত থকা সেই দেশৰ নাগৰিকক সুৰক্ষিত উভতাই লৈ যায়। যাৰ বাবে শংকিত হৈ আমেৰিকাৰ যুৱতীৰ পিত-মাতৃয়েও কন্যাক ভাৰতলৈ পঠাবলৈ অপৰাগ হয়।
বহু চেষ্টা কৰিয়ো শংকিত পিতৃ-মাতৃ মান্তি নহয় কন্যাক ভাৰতলৈ পঠাবলৈ। পাছত যুৱতীগৰাকীক অন্যলৈ বিয়া দি দিয়ে। ভাৰতৰ সেই প্ৰেমিক অকলশৰীয়া হৈ পৰে। জীৱনৰ প্ৰথম প্ৰেম আধৰুৱা হৈ ৰোৱাত কোনোদিনেই আৰু বিয়া নাপাতে সেই প্ৰেমিকে।
সেই দুৰন্ত প্ৰেমিকেই হৈছে ৰতন টাটা। যাৰ নামেই পৰিচয়। যি বৰ্তমানে সমগ্ৰ ভাৰতৰেই পৰিচয়। যাৰ নামেৰেই লোৱা হয় টাটা গ্ৰুপৰ নাম। ভাৰতৰ উদ্যোগ খণ্ডত বিশেষ নাম থকা টাটাই লাভ কৰিছে বহু সন্মান। তাৰ ভিতৰত পদ্ম ভূষণ, মহাৰাষ্ট্ৰ ভূষণ, পদ্ম বিভূষণ, অসম বৈভৱ, অৰ্ডাৰ অফ অষ্ট্ৰেলিয়া আদি উল্লেখনীয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
