অসম লাইভ ২৪ঃ সমগ্ৰ দেশৰ লগতে সম্প্ৰতি ক’ৰোনাৰ গ্ৰাসত মুম্বাই। আক্ৰান্ত হৈছে ইজনৰ পাছত সিজন তাৰকা। বলীউড তাৰকা আলিয়া ভাট ক’ৰোনা আক্ৰান্ত। ইনষ্টাগ্ৰামত পোষ্ট দি নিজেই শ্বেয়াৰ কৰিলে এই কথা। চিকিৎসকৰ পৰামৰ্শ মানি সম্প্ৰতি হোম কোৱাৰেণ্টিনত আছে অভিনেত্ৰীগৰাকী। অনুৰাগীক উদ্দেশ্যি ছ’চিয়েল মিডিয়াত পোষ্ট আলিয়া ভাটৰ। আলিয়াই লিখিছে, ‘আপোনালোকৰ মৰম আৰু আশীৰ্বাদৰ বাবে মই কৃতজ্ঞ, সুৰক্ষিত থাকক’। বিগত কিছুদিন ধৰি সঞ্জয় লীলা ভাঞ্চালীৰ ‘গাঙ্গুবাঈ কাথয়িওবাড়ী’ শ্বুটিঙত ব্যস্ত আছিল আলিয়া ভাট। ৩০ জুলাইত মুক্তি পাব ‘গাঙ্গুবাঈ কাথয়িওবাড়ী’। মুক্তিৰ অপেক্ষাত ৰণবীৰ কাপুৰ আৰু আলিয়া ভাট অভিনীত ছবি ‘ব্ৰহ্মাস্ত্ৰ’। অয়ন মুখাৰ্জী পৰিচালিত ‘ব্ৰহ্মাস্ত্ৰ’ত অভিনয় কৰিছে ‘বিগ বি’ অমিতাভ বচ্চনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
