আৰ জি কৰ কাণ্ডত অভিযুত্চ ছিভিক ভলণ্টিয়াৰ সঞ্জয় ৰায়ৰ পলিগ্ৰাফ টেষ্টৰ জটিলতা অৱশেষত দূৰ হৈছে৷ সূত্ৰৰ খবৰ অনুসৰি শুকুৰবাৰে দুপৰীয়া শিয়ালদা মুখ্য বিচাৰ বিভাগীয় মেজিষ্ট্ৰেটে পলিগ্ৰাফ পৰীক্ষাৰ বিষয়ে সন্মতি দিছে৷ উল্লেখ্য যে বৃহস্পতিবাৰে উচ্চতম ন্যায়ালয়ৰ মুখ্য ন্যায়াধীশ ডি ৱাই চন্দ্ৰচূড়ে ঘটনাক লৈ কয়, ‘শুকুৰবাৰে বিয়লী ৫বজাত শিয়ালদা কৰ্টৰ চিফ জুডিছিয়েল মেজিষ্ট্ৰেট আদালতে যেন এই বিষয়টোৰ নিৰ্দেশ দিয়ে৷ এই সন্মতি লাভৰ পাছতেই সঞ্জয়ৰ পলিগ্ৰাফ পৰীক্ষা এতিয়া সময়ৰ অপেক্ষা৷
তদন্তকাৰীয়ে কৈছে যে পলিগ্ৰাফ পৰীক্ষাৰ তদন্তত নতুন মূৰ আহিব পাৰে৷ এই ক্ষেত্ৰত অভিযুক্তৰ হৃদস্পন্দন,. ব্লাড প্ৰেছাৰ, মানসিক চাপ আদি সকলোবোৰৰ পৰিমাপ কৰা হয়৷ বিভিন্ন প্ৰশ্ন কৰে তদন্তকাৰী সংস্থাই৷ অভিযুক্তই সঁচা কৈছেনে এয়া জনাৰ নিৰ্ভৰযোগ্য পৰীক্ষা হৈছে পলিগ্ৰাফ টেষ্ট৷ আৰ জি কৰত মহিলা চিকিৎসকক ধৰ্ষণ আৰু হত্যা কৰাৰ ঘটনাক লৈ বৰ্তমান পৰ্যন্ত এজনক গ্ৰেপ্তাৰ কৰিছে৷ ধৃত কলকাতা আৰক্ষীৰ ছিভিক ভলণ্টিয়াৰ সঞ্জয় ৰায়৷ অভিযুক্তৰ পলিগ্ৰাফ পৰীক্ষাৰ বাবে চিবিআইৰ তৰফৰ পৰা শিয়ালদা আদালতত আবেদন কৰা হৈছিল মঙলবাৰে৷
শুকুৰবাৰে অভিযুক্তক চিজিঅ’ কমপ্লেক্সৰ পৰা শিয়ালদা আদালতকৈ লৈ যোৱা হৈছে৷ ছিজিঅৰ পৰা অভিযুক্তক বাহিৰ কৰাৰ সময়তো গঢ়ি তোলা হৈছে কটকটীয়া নিৰাপত্তা৷ ৰাস্তাজুৰি কাঢ়া নিৰাপত্তা ব্যৱস্থা কৰা গৈছে৷ ছিজিঅ’ৰ পৰা বাহিৰলৈ অনাৰ সময়ত সংবাদ মাধ্যমৰ তৰফৰ পৰা একাধিক প্ৰশ্ন কৰা হ’লেও কোনো উত্তৰ দিবলৈ দিয়া নাই আৰক্ষীয়ে৷ এই দিনটোত শিয়ালদা আদালতে সঞ্জয় ৰায়ক ১৪ দিন জেল হেফাজতৰ নিৰ্দেশ দিয়া হৈছে৷ উল্লেখ্য যে বিগত ৯ আগষ্টত আৰ জি কৰত কৰ্তব্যৰত এগৰাকী মহিলা চিকিৎসকৰ দেহ উদ্ধাৰক লৈ দেশজুৰি চলি আছে চৰ্চা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
