শীঘ্ৰে পিতৃ-মাতৃ হ’বলৈ গৈ আছে বলীউড অভিনেতা ৰণবীৰ সিং আৰু অভিনেত্ৰী দীপিকা পাডুকন। অনুৰাগীসকলে আগ্ৰহেৰে অপেক্ষা কৰি আছে দম্পতীহালৰ ভাল খবৰটোলৈ। ইফালে দীপিকা আৰু ৰণবীৰে প্ৰথম সন্তানক আদৰিবলৈ সাজু কৰিছে ১০০ কোটি টকাৰ বিলাসী ঘৰো। মুম্বাইৰ বান্দ্ৰাত অৱস্থিত এই ঘৰটোলৈ অচিৰেই স্থানান্তৰিত হ’ব দীপিকা-ৰণবীৰ৷ দীপিকা-ৰণবীৰে ক্ৰয় কৰা এই বিলাসী ঘৰটো শ্বাহৰুখ খানৰ ঘৰ মন্নতৰ সমীপত বুলিও সূত্ৰই প্ৰকাশ কৰিছে৷
শ্বাহৰুখ খানৰ চুবুৰীয়া হ’ব দীপিকা-ৰণবীৰ
সংবাদ মাধ্যমৰ খবৰ অনুসৰি দীপিকা পাডুকন আৰু ৰণবীৰ সিঙৰ বিলাসী ঘৰটো শ্বাহৰুখ খানৰ ঘৰ মন্নতৰ নিচেই কাষত৷ দীপবীৰৰ নতুন ঘৰটো ১১,২৬৬ বৰ্গফুট আৰু ১৩০০ বৰ্গফুটৰ৷ ১৬ৰ পৰা ১৯ মহলালৈকে অট্টালিকাৰ চাৰিটা মহলা আছে৷ খবৰ অনুসৰি দীপিকা আৰু ৰণবীৰৰ এই ঘৰটোৰ দাম ১০০ কোটিতকৈও অধিক বুলি কোৱা হৈছে।
https://www.instagram.com/reel/C_M9QGZt7Ut/?utm_source=ig_web_copy_link
বিলাসী ঘৰৰ ভিডিঅ’ ভাইৰেল হৈ পৰিছে
দীপিকা পাডুকন আৰু ৰণবীৰ সিঙৰ এই বিলাসী ঘৰৰ ভিডিঅ’ ছচিয়েল মিডিয়াত ইতিমধ্যে ভাইৰেল হৈ পৰিছে। ছ’চিয়েল মিডিয়া ব্যৱহাৰকাৰীসকলে এই ভৱনটোক মুকেশ আম্বানীৰ ঘৰ এন্টিলিয়াৰ সৈতে তুলনা কৰিছে। একাংশ ব্যৱহাৰকাৰীয়ে দম্পতীহালক নতুন ঘৰৰ বাবে অভিনন্দনো জনাইছে। ২০২১ চনতো দম্পতীহালে আলিবাগত ২২ কোটি টকাৰ বাংলো ক্ৰয় কৰিছিল। এইবাৰ দীপবীৰে বান্দ্ৰাত নতুনকৈ বসতি স্থাপনৰ পৰিকল্পনা কৰিছে৷
ছেপ্টেম্বৰ মাহত প্ৰথম সন্তানক আদৰণি জনাব
দীপিকা পাডুকনে ছেপ্টেম্বৰ মাহত তেওঁলোকৰ প্ৰথম সন্তানটোক আদৰণি জনাব৷ দীপিকা আৰু ৰণবীৰৰ বিয়া হৈছিল ২০১৮ চনত। দুয়োৰে লগ হৈছিল সঞ্জয় লীলা ভাঞ্চালীৰ ছবি ৰামলীলাৰ চেটত। ইয়াৰ পৰাই দুয়োৰে মাজত প্ৰেমৰ আদান প্ৰদান চলিছিল৷ আৰু অৱশেষত বিবাহৰ ৬ বছৰৰ পিছত দম্পত্তিহালে প্ৰথম সন্তানক আদৰণি জনাবলৈ সাজু হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
