অসম লাইভ ২৪ঃ ভাৰতত নিষিদ্ধ হোৱা এপ্ সমূহৰ ভিতৰত টিকটক আছিল সৰ্বাধিক জনপ্ৰিয় । ভাৰতত প্ৰায় ২০০ মিলিয়ন ব্যৱহাৰকাৰী আছিল টিকটকৰ। ভাৰতত টিকটক নিষিদ্ধ হোৱাৰ পাছতে উদ্বিগ্ন হৈ পৰিছে ফেচবুক প্ৰধান মাৰ্ক জাকাৰবাৰ্গ। তেওঁ ফেচবুক ব্যৱহাৰকাৰীসকলক উদ্দেশ্যি জনাইছে ভাৰত চৰকাৰৰ টিকটক নিষিদ্ধ কৰাৰ সিদ্ধান্ত যথেষ্ট উদ্বেগজনক। তেওঁ জনাইছে ভাৰতে যদি ২০০ মিলিয়ন ব্যৱহাৰকাৰী এটা এপ্ নিষিদ্ধ কৰিব পাৰে, তেন্তে সুৰক্ষাৰ গোপনীয়তাৰ বাবে ফেচবুকো শীঘ্ৰেই নিষিদ্ধ কৰিব পাৰে। কাৰণ ফেচবুকে ইতিমধ্যেই জাতীয় সুৰক্ষাৰ বাবে বিশ্বৰ বিভিন্ন দেশৰ চৰকাৰৰ লগত বাক-বিতণ্ডা কৰি আহিছে। নিৰ্বাচন বিদ্বেষমূলক বক্তব্য, ইত্যাদি একাধিক বিষয়ত মাৰ্ক জাকাৰবাৰ্গৰ এই প্লেটফৰ্মে বিভিন্ন দেশৰ চৰকাৰৰ সৈতে বাক-বিতণ্ডা কৰি আহিছে। দাবী কৰা হৈছে যে জাতীয় নিৰাপত্তা বিষয়ত লক্ষ্য ৰাখি ফেচবুকো শীঘ্ৰে নিষিদ্ধ কৰা হ’ব পাৰে। এই আশংকা প্ৰকাশ কৰিছে মাৰ্ক জাকাৰবাৰ্গে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
