অফিচ, পৰিয়াল, নিত্যদিনৰ কাম কৰোতে বহু পুৰুষে নিজৰ স্বাস্থ্যৰ প্ৰতি যত্ন মুঠেও নলয়৷ এনে বহু দৈহিক সংকেত উপেক্ষা কৰে যিসমূহ কিবা নহয় কিবা শাৰীৰিক সমস্যাৰেই লক্ষণ৷ সেয়ে শেষ পৰ্যন্ত যেতিয়া ৰোগ ধৰা পৰে তেতিয়া বহু দেৰী হৈ যায়৷ আকৌ কোনো কোনোৱে ইমানেই শৃংখলাহীন জীৱন কটায় যে তাৰ নেতিবাচক প্ৰভাৱ পৰে শৰীৰত৷ গভীৰ নিশা পৰ্যন্ত পাৰ্টী, অত্যধিক তেল মছালাযুক্ত খাদ্য, প্ৰচুৰ পৰিমাণে কফি, ঠিকধৰণে শৰীৰ চৰ্চা নকৰা কিংবা মদ্যপান আৰু ধূমপানৰ দৰে অভ্যাস সকলো মিলি মাৰাত্মক ক্ষতিকৰ প্ৰভাৱ পৰে পুৰুষৰ শৰীৰৰ ওপৰত৷ ইয়াৰ স্বাস্থ্যৰ কথা কওঁতে কেৱল কিডনি কিংবা মস্তিষ্কৰ কথা কোৱা হোৱা নাই৷ নিয়মানবৰ্তিতাৰ অভাৱত কামৰ চাপ, মানসিক টনাআঁজোৰাৰ প্ৰভৃতি বিষয়ৰ নেতিবাচক প্ৰভাৱ পৰে যৌনস্বাস্থ্যৰ ওপৰতো৷
গৱেষণাত দেখা গৈছে যে বিগত ৪০ বছৰত পুৰুষৰ শুক্ৰাণুৰ সংখ্য কমিছে প্ৰায় ৫০শতাংশ৷ অধিকাংশ চিকিৎসকে ইয়াৰ বাবে দায়ী কৰিছে দৈনন্দিন জীৱনযাত্ৰা আৰু খাদ্যভাষক৷ আমেৰিকাৰ ছচাইটি ফল ৰিপ্ৰডাক্টিভ মেডিছিনৰ গৱেষণাই কৈছে যে শুক্ৰাণুৱে কেৱলমাত্ৰ সন্তান ধাৰণৰ ক্ষমতাকেই প্রভাৱিত কৰিছে তেনে নহয়৷ দুৰ্বল শুক্ৰাণুৱে হৰমনৰ ভাৰসাম্যহীনতা, বিপাক ক্ৰিয়াৰ সমস্যা আৰু হৃদযন্ত্ৰৰ সমস্যাৰ দৰে নানান ধৰণৰ শাৰীৰিক সমস্যাক চিহ্নিত কৰিব পাৰে৷ কিন্তু কেনেকৈ বুজিব যে আপোনাৰ শুক্ৰাণুৰ সমস্যা আছে?
সন্তানধাৰণত সমস্যা
যদি কোনো দম্পতি এবছৰতকৈ বেছি সময় ধৰি চেষ্টা কৰিও পিতৃ-মাতৃ হব পৰা নাই তেন্তে শুক্ৰাণুৰ সমস্যা তাৰ অন্যতম প্ৰধান কারণ হব পাৰে৷ বিশ্ব স্বাস্থ্য সংস্থাৰ ৰিপৰ্ট অনুসৰি ২০ৰ পৰা ৩০ শতাংশ বন্ধ্যাত্বৰ ঘটনা ঘটে পুৰুষৰ অক্ষমতাৰ কাৰণে৷ কামত সন্তানধাৰণৰ অক্ষমতা দুৰ্বল শুক্ৰাণুৰ লক্ষণ হব পাৰে৷
অণ্ডকোষত বিষ
অণ্ডকোষত বিষ হোৱা বা ফুলি যোৱা বিভিন্ন ধৰণৰ ৰোগৰ সংকেত৷ প্ৰস্তাটাইটিছ, এপিডিডাইমিটিছ, অৰ্কাইটিছৰ দৰে বিভিন্ন সমস্যা হব পাৰে অণ্ডকোষত৷ এই ৰোগসমূহৰ প্ৰভাৱত বীৰ্যত শুক্ৰাণুৰ পৰিমাণ কমি যাব পাৰে৷
কম পৰিমাণৰ বীৰ্য
যদি বীৰ্যপাতৰ সময়ত অতি সামান্য বীৰ্য নিৰ্গত হৈছে কিংবা চেষ্টা কৰিও বীৰ্য নিৰ্গত নহয় তেন্তে শুক্ৰনলিত সমস্যা থাকিব পাৰে৷ কেতিয়াবা কেতিয়াবা আকৌ বীৰ্য বাহিৰ নহয় অণ্ডকোষৰ ভিতৰৰ ফালে গুচি যায়৷ ইয়াক ৰেট্ৰোগ্ৰেড ইজাকুলেছন বুলি কোৱা হয়৷ এই সমস্যাতো পুৰুষৰ বন্ধ্যাত্বই দেখা দিব পাৰে৷
বীৰ্যৰ ৰং সলনি
বীৰ্যৰ ৰং সলনি হৈ যোৱা কিংবা বীৰ্যৰ পৰা বেয়া দুৰ্গন্ধ নিৰ্গত হোৱা মুঠেও ভাল লক্ষণ নহয়৷ পুৰুষৰ যৌনাংগ সংক্ৰমণৰ কাৰণে এনে সমস্যাই দেখা দিব পাৰে৷
হৰমনৰ সমস্যা
কেতিয়াবা কেতিয়াবা টেষ্টোষ্টেৰণ হৰমনৰ পৰিমান কমি গলে যৌনস্বাস্থ্যত তাৰ নেতিবাচক প্ৰভাৱ পৰে৷ ইয়াৰ ফলত চুলি সৰা, ডিঙিৰ সুৰ সলনি হৈ যোৱা, যৌন আকাঙ্ক্ষা কমি যোৱা আৰু লিংগ শিথিলতাই দেখা দিয়ে৷ আমেৰিকাৰ এণ্ডোক্ৰাইন ছচাইটিৰ গৱেষণা অনুসৰি ইয়াৰ ফলত শুক্ৰাণুৰ পৰিমাণ কমি যাব পাৰে৷
আঘাত
বহু সময়ত অণ্ডকোষত আঘাত লাগি থাকিলে ট্ৰমা তৈয়াৰ হয়৷ বিশেষকৈ শৈশৱত আঘাত পালে বা অণ্ডকোষৰ অস্ত্ৰোপচাৰ হলে এই সমস্যা বেছিকৈ দেখা যায়৷ এইক্ষেত্ৰত শুক্ৰাণু উৎপাদনতো সমস্যা হব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
